واش كتقلب على الثروة؟ .. و كتطمح باش اكون عندك استقرار مالي .. هاك هاد ربعة ديال الأسباب باش تبقى دايما فالحفرة ديال الفقر .. خاصك تقراهم بتمعن وحاول ما أمكن تجنبهوم.
1- خسر الفلوس بزاف
يقدر يكون هادا هو السبب الرئيسي اللي كيخلي الناس ميوصلوش للثراء .. كاينين ناس مكسقدوش اتحكمو فأهواء النفس و مكيقدروش يقاومو الرغبة فانفاق كل درهم. و هدشي يمكن يوصلهوم يعيشوا دكشي اللي بقا فعمرهم معتامدين غير على دكشي ديال الضمان الاجتماعي و التقاعد.
خاصك تدير هاد القاعدة فراسك و تبقى خدام بيها، فعهد الصحابة روي أن أمير المؤمنين عمر بن الخطاب تلاقى بالصحابي الجليل جابر بن عبدالله هاز فيدو واحد الكيس فيه لحم قال ليه: ما هذا يا جابر؟ .. فرد عليه : يا أمير المؤمنين هذا لحم اشتهيته فاشتريته .. فقاليه: "يا جابر أكلما اشتهيت اشتريت! ".
باقي مقريتيش هادا : كيفاش تكون لاباس عليك و بوكو فلوس.
2- كتسلف بزاف
خاصك تدير واحد القاعدة فبالك هي أن الدُين كيساوي انك غدوز دكشي اللي بقا فحياتك باش تردو، القرض الربوي اللي بالفائدة كيراكم الدين عليك و كيضاعفو و بدل ما تبدا مشروع جديد غتحتاج ترد الفلوس اللي تسلفتيها هو الأول .. و ما تنساش أن القروض الربوية حرام فالإسلام و هي من أكبر الكبائر، حيت قال فيها الله تعالى: ﴿الَّذِينَ يَأْكُلُونَ الرِّبَا لَا يَقُومُونَ إِلَّا كَمَا يَقُومُ الَّذِي يَتَخَبَّطُهُ الشَّيْطَانُ مِنَ الْمَسِّ ذَلِكَ بِأَنَّهُمْ قَالُوا إِنَّمَا الْبَيْعُ مِثْلُ الرِّبَا وَأَحَلَّ اللَّهُ الْبَيْعَ وَحَرَّمَ الرِّبَا﴾.
شوف هادا غيعجبك: 19 علامة كتدل على انك ناجح فالحياة.
3- التسويف و التأجيل
هادا سبب آخر كيخلي الناس فالفقر، حيت الناس إلى قرروا اديروا شي حاجة باش يحسنوا بيها من المستوى ديالهم المعيشي كيقولو من بعد اولا الشهر الجاي أو او ... و كيبقى حالهوم على ما كان عليه بلا حتى شي تغيير، حاول ما تأجلش العمل ديال اليوم لغدا.
4- ما كتشوفش بعيد ...
بزاف ديال الناس كيفكرو و كيخدمو النهار بنهارو و الشهر بشهرو بدل من التخطيط لعشرة أو عشرين عام للقدام , حاول تبدا من دابا و خطط للعشرين عام اللي جاية و خاصك تعرف أن "80٪ من الأمنيات ديالك يمكن ليك تحققها غير ف 20٪ من حياتك".
ليست هناك تعليقات:
إرسال تعليق