قصة الفاشل اللى جاب 19 فالباكلوريا

انا رضوان من سطات كنت جايب 19 كنت مقفل كل المواد معادا العربية والأنجليزية هادو هما اللى حرموني من ترتيب المغرب .. واش انتوما عارفين إمتى راجعت.. و كيفاش  نجحت ..

أولا أنا كنت داخل السنة مزير مزيان  كنراجع كل حاجة بحال معظم الناس .. من بعد أول شهرين عييت وطلع ليا الدم من الدروس ومن كل حاجة .. ممكن نغيب و منحضرش شحال،، كنت ننعس 13 ساعة فاليوم وممكن اكتر ..


بغيت  نقولكم أنني لغاية شهر واحد كنت كملت 3 ديال مسلسلات .. كل مسلسل تقريبا فيه 75 حلقة .. ماشي ​​ممكن نوصف لكم  كيفاش كنت .. كانت أكتر حاجة كنعرفها أنني مالايقش لوالو وكنت كنقول مع راسي أنني مغنكملش يعني لو بديت نراجع مغنجيبش مزيان لان الله كيقول .. "{إن الذين آمنوا وعملوا الصالحات إنا لا نضيع أجر من أحسن عملا} صدق الله العظيم. 

كان فالداخل ديالي واحد الاحساس كيقولي انني مبغيتش نكمل و أنا ملايقش لوالو أصلا ..علاش غادي نراجع وانا مغنجيبش مزيان ..

و كان أكتر ناس كيشجعوني على اللي أنا فيه للأسف هما صحابي ،، لأنهم كانوا كيقولولي أنا هاداك .. مكنتش لاقي حد ينصحني و يوجهنى يقولي كيفاش نتصرف باقي 5 شهور على الإمتحانات وأنا صافي غنضيع الحلم ديال عائلتي وتعبهم ..

مكنتش كنفوَّت ماتش ديال كورة و كنمشي نلعب فأي ساعة ،،، وبدات المشاكل.. أهلى معاجبهمش الوضع ،، غير يقولي شي حد راجع كنتنِرفا ونقولهم واش أنتوما غتعرفوا مصلحتي أكتر مني.. أنا عارف كيفاش و أشنو غنراجع .. و ملي الوالد يقولي أنت منافعش و ماصالح لوالو كنت كنقول مع راسي أوكي ملِّي أنا منافعش و مصالح لوالو علاش منروحش نشرب و نكمي ونحرف حيت أنا منافعش ..

للاسف المدرسين ديالي فقدو الامل مني تماما .. رضوان كان حلم و راح كان حلم كل أيتاد قراني أني ندخل الطب لانني كنت بحال ولدهم وكلهم حبابي .. ولكن صافي ،، كلهم خداو عليا وبقاو كيقللوا من قيمتي ..

حتى لواحد يوم من الايام فواحد الحصة ديال العربية، كانت عطلة ديال نص السنة و قال الأستاذ لكل المجموعة ستارحوا شوية حيت عييتوا .. وجا كيشوف فيا شوية وقالي بالنسبة ليك يا رضوان حنا مكندويوش معاك حيت أنت مادرتي والو ..

قصة كتلخص بزاف و ممكن تغير ليك حياتك 

كل القسم ضحكوا مبغيتش نقولكم كيفاش كنت قدام راسي .. قررت أنني مغنخليش الوضع و غنكمل وغنوصل .. اتفكرت واحد الكلام من الأساتذة كيقولوه فأول السنة .. واحد الأستاذ قال ملي تفيد شي حد بشي معلومة الله كيعطيك معلومة تانية يعني بحال شي صفقة .. خارج الامتحانات طبعا ،،

عملت جدول عمل لراسي بغيت نقولكم أن هاد العطلة أصلا مكانش عندي قلب أني نضيع وقتي .. إيلا بغيت شي حاجة من المدرسين ممكن نروح ليه حتى للدار ديالو .. مفقدتش الأمل كنت كنسمع كلام من الناس أني مستحيل نوصل للى أنا بغيتو أنا مكنتش كنراجع و لكن كنت كنتحدى راسي يعنى أستاذ الفيزياء قال أنه غيدير إمتحان فالحصة الجاية .. انا قولت ليه فوسط المجموعة غير دير كاع داكشي علاش قديتي .. وأعلى حاجة عندك ،، كان موقف صعب و لكن لقيت راسي كنراجع باش نكسب التحدي ..

وداك اليوم الحمدلله عمل إمتحان أنا كنت كنحل ليه المعادلة والمسائل بأكتر من طريقة باش نبين ليه أنني عارف كلشي ،، وجات مسألة حتى حد ماعرف يحلها و أنا الحمد لله حليتها ،، بسهولة جدا وكلشي بفضل الله و كاينين ​​ناس كيراجعوا من أول السنة ومعرفوش يحلوا المسألة ..
من هنا اتعلمت بزاف الحاجت ..
إتعلمت كيفاش نعيش أصم باش الناس ميسرقوش الأحلام ديالي ...
منتسوقش لشي حد نخلي الدرس ديالي ونروح للدار نفطر ونراجع ومعرفتش من أين جبت هاد القوة أنا اصلا مكنتش كنراجع أصلا
لكن كنرجع ونفكر وكنقول من بعد عشر سنين أنا غنكون فين غنكون على خدمة ومنلقاهاش وصحابى كلهم ​​مهندسين ودكاترة و حتى واحد مغيقبل يوقف معايا لأني مثل سيء وكلشي غيضيع ..

لا انا لازم نبدا من الأن لازم منوصلش لهاد النقطة .. كنمشي نصلي قيام ليل ونقول يارب تساعدني يارب توقف معايا ...

الله سمع الدعاء ديالي ،، وكان دايما معايا أنا تقريبا نجحت بسباب قيام الليل ونيتى كانت خالصة لله ..

الحمد لله راجعت ووصلت لداكشي اللي كنحلم بيه ...
وأنا غادي للإمتحان تخيلوا أني كنت ناسي كل حاجة أنا معارفش حاجة فكرت أنني منروحش .. لكن كنت كنقول يارب وقفتي معايا بزاف .. مغتجيش تخليني اليوم ..
فعلا كنت كندخل للإمتحان وكنلقاه أسهل إمتحان قابلتو فحياتي ..
كنت واخد القرار أني مانغش حتى لو غيكلفني مستقبلي كامل .. ولكن دوزت الإمتحانات وجاء يوم النتيجة ..


كنت خدام ديك الساعة حيت كان لازم نديها فحياتي ولا غنبقى تافه .. كنت خدام فالدارالبيضاء متصوروش الصدمة فالأول ملي شفت النتيجة ،،
مكنتش مصدق أنني كنت جايب أكثر من صحابي كلهم ​​.. الحمد لله ..
منقدرش نوصف فرحة الناس بيا لدرجة أن صاحب المحل فين ما يجي عندو شي واحد يقول ليه رضوان جاب 19 ههه ..

كنرجع ونحمد الله ونقول لو كنت جبت 12 كيفاش كانوا غيعاملوني .. فترة كنت كنعتبرها من ألذ فترات حياتي ''

من المواقف الطريفة كانت واحد البنت ديما كتقول للوالد ديالي أن جميع اللي جابو أكثر من 18 جابوها بالغش أنا طبعا كنكون فهستريا من الضحك ملي نسمعها ...

الحمد لله اللى مانزلنيش لطبقتها ..

الخلاصة: الوقت مفتش انت اللى بتلوم نفسك .. شجع راسك وأقضي على الإحباط و إبتسم حيت ماشي أنت اللى كتحدد واش كنتي اشتغلتي مزيان ولا لا .. أنت اخدم فقط .. تقرب من الله لأنه كيبارك ليك فالوقت والصحة ديالك ..

صلي قيام الليل .. متضيعش الفرص ومتنساش أن المدرسين غيحترموك ملي يلقاوك كتحترم الله و كتتأخرباش تصلي ،،، حتى شي حد مغيقلل منك

تحية عالية لكم و السلام عليكم 💖😉