مقابلة العمل كتعتابر من أهم المراحل ديال الحصول على خدمة، فالى نجحتي فيها وإعطيتي انطباع مزيان للمدير أولا الشخص اللي دوز معاك المقابلة ، فهادشي هو بطاقة العبور باش تربح ديك فرصة العمل. ولكن كيفاش يمكن تنجح فاجتياز المقابلة على أحسن صورة؟
جمعنا ليكوم شويا ديال النصائح اللي يمكن ليكوم اتبعوها قبل ماتمشيو للمقابلة واللي يقدرو يفيدوكم بزاف :
دير واحد البحث على الشركة قبل ماتمشي للمقابلة و حاول تعرف طبيعة العمل ديالها ورسالتها والأهداف ديالها، وتعرف على تاريخها وإنجازاتها من خلال الموقع ديال الشركة فالإنترنت أولا فالمقالات الصحفية والتقارير السنوية إلا كاينين.
وجد واحد المجموعة من الأسئلة والاستفسارات على الخدمة باش تناقشها مع المدير أو الشخص اللي غايدوز معاك المقابلة باش يلاحظ الاهتمام ديالك بالخدمة ، ولكن تجنب الأسئلة السطحية اللي يمكن تعرف الجواب ديالها ببساطة إلا تم البحث عليها في موقع الشركة.
تدرب على مقابلة العمل مع شي صديق ديالك أولا شي واحد من المعارف ديالك وراقب أجوبتك والعبارات اللي كتستخدمها في الإجابة على أسئلتهم واختار دائما الأفضل منها.
توقع الأسئلة اللي يقدرو يسولوك عليها فالمقابلة وحضُر الأجوبة اللي كتناسبها من خلال التفكير بالهدف من السؤال زعما اشنو بغاو مني بهاد السؤال وحاول الإجابة عليه بداكشي اللي كيتناسب مع الغاية ديالو.
قرا التوصيف الوظيفي ديال الوظيفة باش تعرف الواجبات والمسؤوليات والمهارات المطلوبة ، بالإضافة إلى المؤهلات العلمية والخبرات .
كُن واثقً فنفسك وفالقدرات ديالك، حيت الثقة فالنفس كاتوصل رسالة للشخص اللي كيقوم معاك بالمقابلة بأنك كتشوف راسك مؤهلً لهاد العمل ومستاعد للقيام بالمهام ديالو.
قبل ما تمشي للمقابلة، اختار ملابس مناسبة كتبين الأناقة ديالك، وتأكد من أنها كتليق بمقابلة العمل.
ما تعطلش على موعد المقابلة، فالى تعطلتي كيعني عدم اهتمامك بفرصة العمل.
كون على يقين ان هاذ النصائح تقدر تزيد من فرصة نجاحك فالمقابلة واخا كاينين بزاف ديال الاأنواع من مقابلات العمل، واللي مهم من هدشي كلو هو تعرف كيفاش تطبق هاذ النصائح بداكشي اللي تيناسب طبيعة العمل ونوع الشركة، ودير بأن التّدرب كيصنع الفرق.
ليست هناك تعليقات:
إرسال تعليق