واش نتا ناجح فحياتك؟ كاينين 19 علامة كتدل على النجاح فالحياة وتقدر تكون ناجح فحياتك ونتا معارفش.حنا كبشر بعض المرات كنحسو باليأس وهادشي كيخلينا نحسو بالفشل مرا مرا بالحق هادشي طبيعي، خاص تلقا طريقة باش تكون ناجح من وجهة نظر تانية...بعض المرات كنقدرو نهملو شي حوايج صغار، نتا ماشي فاشل لمجرد انك ماشي مليونير ولا حيت طوموبيلتك ماغالياش ولا معندكش اصلا، وفهاد المقال غادي ندكر ليكم 19 علامة تدل على نجاحك فالحياة ولو جزئي.
___1 ايلا كاينة الدراما فعلاقاتك: ___
الدراما فالعلاقات هي دليل على عدم النضج حيت كل ما كبر الواحد كل ما ولا اكثر حكمة داكشي علاش ايلا تخطيتي مرحلة الدراما فهادشي تيدل على انك وليتي قادر تتحكم فذماغك وعواطفك وهذا محسوب نجاح.
___2-مكتخافش تطلب المساعدة ولا الدعم: ___
ايلا طلبتي المساعدة هذا متيعنيش انك ضعيف حيت فالحقيقة هي نقطة قوة حيت مكينش انسان يقدر ينجح بوحدو ولا يحاول ينجح وهو منعزل على الناس كاملين حيت النجاح الحقيقي هو كيفية التعامل وسط اعضاء الفريق الواحد ويحققو هدف يشاركو فيه كاملين.
___3-مني كترتفع بمبادئك:___
مني مكتسمحش لراسك تعمل شي حاجة غالطة واخا تيكون اغلب الناس تيديروها حيت كتخاف الله اولا واخرا ومكتحطش تصرفات الناس مقياس لتصرفاتك وهادي حاجة خاصك تفتخر بيها.
___4-كتبعد على الحاجة لي كتقلقك:___
هادي ماشي نرجسية ولاكن ايلا قدرتي تبغي نفسك وتعلو بيها وتتفاهم معاها فهذا تيتحسب لك نجاح وكبير، بغي راسك بحيث تقدر تبعد على اي حاجة كتقلقك ومكتخليكش ترتاح حيت نتا كتستحق.
___5-ايلا عجبك راسك فالمرايا:___
الوضع المثالي هو انك تبغي شكلك قدام المرايا واخا تكون مزوينش اولا على الاقل ايلا مبغيتيش شكلك المهم تتقبلو كيف ما هو وهدا محسوب نجاح.
___6-ايلا تعلمتي ان الفشل جزء من النجاح:__
مكينش لي تيخصص 100٪ من وقتو فالنجاح حيت الحياة ربح وخسارة وهادشي علاش خاصك تشوف فالفشل لي مريتي بيت خطوة لحوايج زوينين حيت الفشل ايلا استفدنا منو تيولي هو طريق النجاح.
___7-عندك صحاب تقدر تعول عليهم:___
ايلا قدرتي تكتشف من الناس لي ضايرين بيك اصحاب تقدر تعول عليهم وتكى عليهم فانتاكيد شخص ناجح .خاصكديما تخلي جنبك الناس لي تقدر تيق فيهم حيت اكيد الخيانة احساس خايب وحنا ممحتاجينش خونة فطريق النجاح.
___8-متشكيش بزاف: ___
مكايناش شي حاجة ممكن تخليك تتشكى منها فهاد العالم، اكيد مريتي باوقات خايبة وخسرتي فيها حوايج مكنتيش متوقع انك تخسرهم ولاكن الناس الناجحين هوما لي عارفين هادشي وكيصبرو على الوقت حيت كيفوت.
___9-مني كتفرح بنجاح الاخرين: ___
ايلا ضايرين بيك الناس الناجحين خاصك تفرح لنجاحهم وتشجعهم مزال عليه حيت كلما زادت الطاقة الايجابية حولك كلما كانت نفسيتك احسن لتحقيق النجاح.
___10-عندك الشغف للمتابرة: ___
متخليش حياتك راكدة، ضروري كاين شي حوايج خاثك تشارك فيهم حيت عندك مواهب معندش غيرك وخاصك تستثمرهم.
___11-عندك هدف باغي توصل ليه: ___
ايلا معندكش هدف فهاد الحياة ومركز عليه فانت كتموت وكتطفا من الداخل، الناس الناجحين عندهم هدف كيشوفو لجيهتو ديما وهو لي تيحركهم وتيحفزهم باش يزيدو للقدام ويوصلو ليه.
___12-مكتستسلمش و مكتسمحش فالاهداف ديالك :___
رغم الفشل لي طاح فيه بقا مركز على الاهداف ديالو بدا تيقرب ليه وتيجني الثمار ديالو.
___13-كتعاطف مع الغير: ___
شخص بلا عواطف هو شخص ميت، حيت العواطف كتشمل الحب والطاقة الايجابية لي كتخليك سعيد وكتقدر تسعد اللي ضايرين بيك فمحيطك.والناس الناجحين تيعرفو هادشي داكشي علاش كتلقاهم تيحسسو لي ضايرين بيهم بهاد المشاعر.
___14-حب الجميع يدفعهم لحبك: ___
الحب تيتحسب خطورة عند بعض الناس وتيخافو من الرفض من بعد ولاكن ايلا قدرتي تتغلب على الخوف ديالك فهدا تيتعتبر نجاح.
___15 ماتسوقش لنضرة الغير ولا رأيهم: ___
رضى الناس غاية لا تدرك ورضى الله غاية لا تترك، هادي من بين الحكم القديمة لي خاصك ديرها بين عينيك داكشي علاش خاصك دير الحاجة الصحيحة وخا متكونش عاجبة الناس.
___16-تقلب على الجانب المشرق: ___
الحياة تقدر تكون عامرة بالاخفاقات والفشل بالحق ايلا قدرتي تشوف فيها على انها دروس من الحياة وغتساعدك باش توصل للنجاح فهادشي فحد ذاته نجاح.
___17-كتقبل داكشي لي مكيتغيرش: ___
فالحياة كاين شي حوايج مكيتغيروش والحاجة الوحيدة لي تقدر ديرها هي اننا نتقبلوها ونغيرو نظرتنا السلبية جيهتها وهذا جزء من النجاح.
___18-كتغير لي قدرتي عليه: ___
كيف ما كاين حوايج مكيتغيروش كاين ملايين الحوايج لي كيتغيرو، وايلا بغيتي تنجح خاصك تغير لي قدرتي عليه فمحيطك وهادشي كيهرس الطاقة السلبية لي داخلك.
___19-خاصك تكون سعيد: ___
ايلا قدرتي تحس بالسعادة الحقيقية والرضى داخلك فهادا قمة النجاح وهادشي ماعندوش علاقة كيف ما قلت بنوع السكن ولا رصيدك البنكي ولا بنوع السيارة هدا متعلق بقلبك ولي فيه، واخيرا قلب على النجاح داخلك من خلال هاد النقاط لي ذكرناها من قبل وقول لينا واش نتا ناجح ولا لا.
ليست هناك تعليقات:
إرسال تعليق