25 حقيقة ومعلومة سريعة حول الجسم ديالك و الأسرار ديالو أكتشفها معنا
جسم الإنسان فيه واحد المجموعة من الاسرار، و باقي الأطباء والعلماء كيكتاشفو فهاد الأسرار و التفاصيل نهار من بعد نهار، و ماشي مبالغة ألا قلتي أن كل جزء من الجسم ديالك هو معجزة. جمعنا ليك متبعنا الوفي هنا 25 حقيقة عن الجسم ديالك اللي غادي تصدمك.
1- خلال الحياة ديال الإنسان كينتج من الدفال أو (اللعاب) ما يكفي باش تعمر جوج ديال لابيسينات, و فالواقع، اللعاب مهم بزاف. حيت ما يمكنش ليك تذوق شي حاجة بلا ميكون.
2-أكبر خلية في جسم الإنسان هي البويضة و أصغر خلية هو الحيوان المنوي.
3- أقوى عضلة في جسم الإنسان هي اللسان، والأشد هو عظم الفك.
4-الرجلين ديال البشر فيها 52 عظمة، أي الربع ديال العظام ديال الجسم البشري كاينة غير فالقدمين.
5. الحمض الموجود فالمعدة قوي بما فيه الكفاية باش اذوٌب المعادن و يحللها، والسبب فأنه مكيدوبش المعدة ديالك و يتسبب ليك فالموت هو أن الخلايا ديال جدار المعدة كتجدد راسها فكثير من الأحيان باش تكون عندك معدة ببطانة جديدة كل ثلاثة أو اربعة أيام
6. الوذنين ديالك كتفرز المزيد من الشمع ملي تكون خايف.
7-. جسم الإنسان كيولد في 30 دقيقة فقط واحد الحرارة تقدر تسخن بيها مقراج ديال الماء حتى يطيب.
8. جسم الإنسان فيه ما يكفي من الحديد باش يصنع 3 ديال مسامير طوال.
9. شمع الأذن ضروري للصحة ديالو، لأنه كيحمي الأذن الداخلية الحساسة من البكتيريا والفطريات والأوساخ والحشرات، كما أنه كينظف ويزيت القناة ديال الأذن.
10. كل شخص عندو رائحة فريدة من نوعها، ما عدا دوك التوائم اللي متشابهين، كتكون عندهم رائحة متماثلة نسبيا.
11. تيبداو الأسنان بالنمو قبل 6 أشهر من الولادة، وهذا هو السبب فأن واحد من كل 2000 رضيع حديث الولادة عندو أسنان ملي كيتولد.
12. الأطفال كيتولدو بحوالي 300 عظمة، ولكن فاش كيوصل سن البلوغ كينخفض هاد العدد إلى 206. حيت شي عظام مثلا عظام الجمجمة كتنصهر فبعضها البعض، و كينخفض العدد.
13. ما يمكنش للإنسان اهُر راسو.
14. أقل من ثلث الجنس البشري عندو رؤية 20-20. يعني أن جوج من كل ثلاثة ديال الناس مكيشوفوش مزيان تماما.
15. يمكن لأنف الإنسان اِتذكر 50000 رائحة مختلفة. ولكن هادشي غير بالنسبة للأناث فقط.
16. كتشير التقديرات إلى أن الجسم البشري عندو 60،000 ميل من الأوعية الدموية.
17. عمر شعرة الإنسان هي 3 إلى 7 سنوات فالمتوسط. كل نهار كيفقد الشخص العادي 60-100 شعرة.
18. الأسنان هي الجزء الوحيد من جسم الإنسان اللي ما يمكنش تصلح راسها.
19. عينيك دائما فنفس الحجم منذ الولادة ولكن الأنف والأذن مكيتوقفوش عن النمو.
20. شفاه الإنسان كتميل إلى الحمرة نظرا لتركيز كبير من الشعيرات الدموية الصغيرة تحت الجلد.
21. كيستخدم الإنسان 17 عضلة باش يبتسم، و 43 باش يغوبش.
23. شعر ديال الوجه كينمو بوتيرة أسرع من أي شعر آخر فالجسم. وهذا بالنسبة للرجال وحتى النساء.
24. الجنين البشري كيكتسب البصمات فسن ثلاثة أشهر.
25. حوالي 32 مليون بكتيريا كتعيش على كل شبر من البشرة ديالك. ولكن متخافش، حيت غالبية هاد البكتيريا غير ضارة ولكن مفيدة.
ضروري غتكون عندك شي معلومة تفيدنا بيها ... كنتمنا تكونوا ستافدتو من هاد المعلومات و الى عندكون اعزائنا شي اضافة اولا تعليق فشاركوه معانا فالتعليقات التحت ... وتحية طيبة لكم
شكراااا بزاااااف موقع فالمستوى
ردحذفD:
ردحذفتحية ليك شكرا بزاف على هاد الكلمات
ردحذف