'نهار الأحد ... .ﺟﺎ الواليد ﺑﺎﺵ ﺇﻓﻴﻘﻨﻲ ﻣﻦ ﺍﻟﻨﻌﺎس
ﻋﻴﻂ ﻋﻠﻴﺎ ﻣﺎﺟﺎﻭﺑﺘﻮشي ﻋﺎﻭﺩ ﻋﻴﻂ ﻭﺍﻟﻮ ﺣﻴﺪ ﻟﻴَّﺎ ﺍﻟبطانية ﺃﻭﺣﺮﻛﻨﻲ ﻣﺰﻳﺎﻥ ﻣﺎﻓﻘﺘشي، حركني ﺗﺎﺑﻐﻴﺖ ﻧﺪﻭﺭ ﻓﻴﻪ ﻋﻠﻰ ﺍﻟﺘﺒﺮﺯﻳﻂ ﺩﻳﺎﻟﻮ ﻭﺍﻻﻛﻴﻦ ﻣﺎﻗﺪرتشي، ﺷﻔﺖ ﻭﺟﻬﻮ ﺻﻔﺎﺭ ﺃﻭﻣﺸﺎ ﻋﻴﻂ ﻋﻠﻰ ﺍﻟﻮﺍﻟﻴﺪﺓ ﻧﺰﻻﺕ ﻋﻴﺎﺕ ﻣﺎﺗﻔﻴﻖ ﻓﻴَّﺎ ﻭﺍﻧﺎ ﺟﺎﻣﺪ ﻓﺒﻼﺻﺘﻲ ﺃﻭﻫﻴَّﺎ ﺗﻐﻮﺕ ﻣﺎﺕ ، ﺷﺪﺍﺗﻨﻲ ﺿﺤﻜﺎ ﻭﺍﻻﻛﻴﻦ ﻣﺎﺿﺤﻜﺘشي ﺃﻭﻣﺎﻋﺮﻓﺘشي ﻋﻼﺵ ﻣﺎﻗﺪرتشي ﻧﺘﺤﺮﻙ ﺃﻭﻻ ﻧﻬﺪﺭ، ﻧﺎﺿﺖ ﺭﻭﻳﻨﺎ ﻓﺪﺍﺭ ، عمي ﺗﺎﻫﻮَّﺍ ﺟﺎ ﻣﻦ ﺍﻟﺨﺪﻣﺔ، ﻭﺍﺣﺪ ﺷﻮﻳﺔ ﺟﺎﺕ ﻟﻮﻣﺒﻴﻼﻧﺺ ﻫﺰﻭﻧﻲ ﺃﻭﻏﻄﺎﻭ ﻭﺟﻬﻲ، ﻓﺪﻳﻚ ﻟﺤﻀﺎ ﻋﺮﻓﺖ ﺑﻠﻲ ﻣﺖ ﺩﻳﺎﻝ ﺑﺼﺎﺡ ﻣﺎﻓﻴﻬﺎشي ﺗﺨﺮﺷﻴﺶ، ﺟﺎﺗﻨﻲ ﻋﺠﺐ ﻣﺎﺗﻴﻘﺘشي، ﻛﻴﻔﺎﺵ؟؟ ﻏﺎﻧﺘﻐﻴﺐ ﻟﻴﻮﻡ ﻋﻞ المدرسة ﺃﻭ ﺩﺭﺍﺭﻱ ﻟﻲ عملت ﻣﻌﺎﻫﻮﻡ نتلاقاو فالعشية ... ﻣﺎﺑﻘﺎﺗﺶ ﻟﻴَّﺎ ﺍﻟﻮﻗﺖ ﺣﺘﻰ ﻓﻴﻦ نقوﻝ ﻟﻤﺎﻟﻴﻦ ﺩﺍﺭ ﻟﻜﻮﺩ ﺩﻳﺎﻝ ﺍﻟﺒﻮﺭﻃﺎﺑﻞ ﺃﻭ ﺍﻟﻔﺎﻳﺴﺒﻮﻙ، ﺷﺤﺎﻝ ﺩﻳﺎﻝ ﻟﺒﻼﻧﺎﺕ ﻣﺸﺎﻭ، بعدو ﺭﺟﻌﻮﻧﻲ ﻟﺪﺍﺭ ﺃﻭﺩﺧﻠﻮﻧﻲ ﻟﺪﻭﺵ ﺃﻭﻫﻮﺍ ﺇﻳﺪﺧﻞ ﻋﻨﺪﻱ ﻭﺍﺣﺪ ﺷﺎﺭﻑ ﻟﺤﻴﺎ ﺩﻳﺎﻟﻮ ﺑﻴﻀﺔ ﺑﺤﺎﻝ ﺗﻠﺞ، ﺃﻭﺳﺮﺣﻮﻧﻲ ﻓﻮﻕ ﻭﺍﺣﺪ ﻟﭙﺎﺭﺗﻴﺎ، ﻋﺎﺩ ﻋﺮﻓﺖ ﺑﻠﻲ ﺩﺍﻙ ﺷﺎﺭﻑ ﻏﺎﻳﻐﺴﻠﻨﻲ ﺁﺧﺮ ﺗﺪﻭﻳﺸﺔ ﻓﺤﻴﺎﺗﻲ، ﻓﺎﺵ ﺳﺎﻻ ﺩﺍﺭﻭﻧﻲ ﻓﻮﺍﺣﺪ ﻟﻜﻔﻦ ﺑﻴﺾ ﺃﻭﺩﺧﻠﻮﻧﻲ ﻟﺼﺎﻟﻮﻥ جبارتو ﻋﺎﻣﺮ ﺑﺎﻟﻨﺎﺱ، ﺑﺎﻧﺖ ﻟﻴَّﺎ ﻋﻤﺘﻲ ﺃﻭﺑﻨﺘﻬﺎ ﻷﻭﻝ ﻣﺮﺓ ﻧﺸﻮﻑ لبعلوكة ﮔﺎﻟﺴﺎ ﻣﺎﻛﺎﺗﻠﻌﺒشي ﺃﻭﻣﺎﻛﺎﺗﻨﻘﺰشي، ﻛﻠﺸﻲ ﻛﺎﻳﺒﻜﻲ ﺃﻭﻛﻮﻟﺸﻲ ﻣﻐﻮﺑﺶ، ﺷﻤﻴﺖ ﺭﻳﺤﺖ ﺍﻟﻤﻮﺕ ﻛﺎﺩﻭﺭ ﺑﻴَّﺎ، ﻭﺍﺣﺪ ﺷﻮﻳَّﺎ ﺑﺪﺍﻭ ﻛﺎﻳﺪﻭﺯﻭ ﻭﺍﺣﺪ ﺑﻮﺍﺣﺪ ﺷﻲ ﻛﺎﻳﻌﻨﻘﻨﻲ ﺃﻭﺷﻲ ﻛﺎﻳﺒﻮﺳﻨﻲ ﻋﻠﻰ ﺭﺍﺳﻲ ﺗﺎﺩﺍﺯﻭ ﻛﺎﻣﻠﻴﻦ ﻋﺎﺩ ﺟﺎﺕ ﻟﻮﺍﻟﻴﺪﺓ ﺷﺪﺍﺕ ﻟﻴَّﺎ ﻓﻴﺪِّﻱ ﺃﻭﺑﺪﺍﻭ ﺩﻣﻮﻉ ﻛﺎﻳﻨﺰﻟﻮ ﻣﻦ ﻋﻴﻨﻴﻬﺎ ﻓﺪﻳﻚ ﻟﺤﻀﺎ ﺗﻤﻨﻴﺖ ﻏﻴﺮ ﺩﻗﻴﻘﺔ ﻭﺣﺪﺓ ﺯﺍﻳﺪﺍ ﻏﻴﺮ نقوﻝ ﻟﻴﻬﺎ ﻣﺎﺗﺒﻜﻴشي ﺃﻭﻧقوﻝ ﻟﻴﻬﺎ ﺳﻤﺤﻲ ﻟﻴَّﺎ ﺃﻭﺭﺿﺎﻱ ﻋﻠﻴَّﺎ ﺭﺍﻩ ﺭﺿﺎﻙ ﻏﺎﻧﺤﺘﺎﺟﻮ ﻓﺪﻳﻚ ﻟﺒﻼﺻﺎ فين ﻏﺎﺩﻱ، ﻟﻤﻮﻫﻴﻢ ﻧﻮﺿﻮ ﻟﻮﺍﻟﻴﺪﺓ ﻏﻴﺮ ﺑﺰﺯ ﻣﻦ ﺣﺪﺍﻳﺎ ﺃﻭﻫﻮﻣﺎ ﺇﻳﻬﺰﻭﻧﻲ ﺃﻭﺩﺧﻠﻮﻧﻲ ﻟﺪﻳﻚ ﻃﻮﻣﻮﺑﻴﻼ ﺩﻳﺎﻝ " ﻧﻘﻞ ﺍﻷﻣﻮﺍﺕ" ، ﺃﻭَّﺍﻩ ﻫﺎﺩﺷﻲ ﻭﻻَّ ﺑﺼَّﺎﺡ، ﺩﻳﻤﺎﺭﺍﺕ ﺃﻭﺷﺪﻭ ﺑﻴﺎ ﻃﺮﻳﻖ ﻟﺠَّﺎﻣﻊ ﻟﻲ ﺣﺪﺍﻧﺎ، ﻭﺍﻟﻔﺖ ﻧﺪﺧﻞ ﻟﻴﻪ ﻋﻠﻰ ﺭﺟﻠﻲ ﺃﻭﻟﻴﻮﻡ ﺩﺧﻠﻮﻧﻲ ﻓﺘﺎﺑﻮﺕ ﺑﺤﺎﻝ ﺷﻲ ﻣﻴﺖ!! ﺻﻼَّﻭ ﺍﻟﻌﺼﺮ ﺃﻭﻓﺎﺵ ﺳﺎﻻﻭ ﺳﻤﻌﺖ ﻟﻔﻘﻴﻪ قاﻟﻴﻬﻮﻡ ﺟﻨﺎﺯﺓ ﺭﺟﻞ ﺃﻭﻫﻮﻣﺎ ﺇﻳﻨﻮﺿﻮ ﺑﺎﺵ ﺇﻳﺼﻠﻴﻮ ﻋﻠﻴَّﺎ، ﺃﻭ ﻓﺼﻒ ﻟﻮﻝ ﺑﺎﻧﻮ لي الدﺭاري دالحومة ﻛﺎﻣﻠﻴﻦ ﺃﻭﺑﺎﻧﻮ لي ﺷﺤﺎﻝ ﻣﻦ ﺻﺤﺎﺑﻲ ﻣﻦ ﻏﻴﺮ ﻭﻻﺩ الحومة ، ﮔﺎﻉ ﺟﻤﻌﺘﻬﻮﻡ ﺍﻟﻴﻮﻡ ﻟﺼﻼ، ﺻﺎﻓﻲ ﺻﻠَّﺎﻭ ﺃﻭﺑﺪﺍ ﻟﻔﻘﻴﻪ ﻛﺎﻳﺪﻋﻲ لي ﺑﺎﻟﺮﺣﻤﺔ ﻭﺍﻟﻤﻐﻔﺮﺓ، ﺃﻭ ﻓﻠﺒﻼﺻﺎ ﻫﺰﻭﻧﻲ ﻋﺎﻭﺗﺎﻧﻲ ﻟﺪﻳﻚ ﻃﻮﻣﻮﺑﻴﻼ ﺃﻭﺷﺪﻭ ﻃﺮﻳﻖ ﻟﻤﻘﺒﺮﺓ، ﻭﺻﻠﻨﺎ ﻧﺰﻟﻮﻧﻲ ﺃﻭﻟﻘﻴﺖ ﻟﻘﺒﺮ ﻣﺤﻔﻮﺭ!! ﻣﺎﻟﻬﻮﻡ ﻋﻠﻰ ﻫﺎﺩ ﺯﺭﺑﺎ، ﺃﻧﺎ ﻣﺎﺳﺨﻴﺘﺶ ﺑﻴﻬﻮﻡ ﻣﺎﺳﺨﻴﺘﺶ ﺑﻤﺎﻟﻴﻦ ﺩﺍﺭ، ﻣﺎﺳﺨﻴﺘﺶ ﺑﺼﺤﺎﺑﻲ ﺃﻭ ﻣﺎﺳﺨﻴﺘﺶ ﺑﻠﻲ ﻋﺮﻓﺘﻬﻮﻡ ﻏﺎﻳﺒﻜﻴﻮ ﻣﻦ ﻗﻠﻮﺑﻬﻢ ﻋﻠﻰ ﺍﻟﻤﻮﺕ ﺩﻳﺎﻟﻲ ﻭﺍﻻﻛﻴﻦ ﻣﺎﻋﻨﺪﻱ ﻣﺎﻧﺪﻳﺮ، ﻫﺰُّﻭ ﺗَّﺎﺑﻮﺕ ﺃﻭﺣﻄُّﻮﻧﻲ ﻓﺪﻳﻚ ﻟﺤﻔﺮﺓ ﺍﻟﻤﻈﻠﻤﺔ ﻣﺎﺧﻼَّﻭ ﻟﻴَّﺎ ﺣﺘﻰ ﺍﻟﺒﻮﺭﻃﺎﺑﻞ ﺩﻳﺎﻟﻲ ، ﺃﻭ ﻷﻭﻝ ﻣﺮﺓ ﻧﺤﺴﺪ ﺻﺤﺎﺑﻲ ﺣﺴﺪﺗﻬﻮﻡ ﻋﻠﻰ ﺍﻟﻮﻗﺖ ﻟﻲ ﺑﻘﻰ ﻟﻴﻬﻮﻡ ﺣﺴﺪﺗﻬﻮﻡ ﻋﻠﻰ ﺍﻟﺼﻠﻮﺍﺕ ﺃُﻭﻋﻠﻰ ﺍﻟﺼﻴﺎﻡ ﻟﻲ ﻏﺎﻳﺰﻳﺪﻭ ﻣﻦ ﺑﻌﺪﻱ، ﺑﻐﻴﺖ ﻧﺒﻜﻲ ﺩﻳﻚ ﻟﺤﻀﺎ ﺑﻐﻴﺖ ﻧﻐﻮﺕ ﺑﻐﻴﺖ ﻧﻬﺮﺱ ﺩﺍﻙ ﺗﺎﺑﻮﺕ ﻣﺎﺑﻐﻴﺘﺶ ﻧﻤﻮﺕ ﺩﺍﺑﺎ ﻣﺎﺯﺍﻝ ﻣﺎﻭﺟﺪﺕ ﻭﺍﻟﻮ ﺃﺷﻐﺎنقوﻝ ﻟﺪﻭﻙ ﺟﻮﺝ ﻟﻲ ﻏﺎﻳﻮقفو ﻋﻠﻴَّﺎ ﻓﺎﺵ ﺗﺴﺪ ﺩﻳﻚ ﻟﺤﻔﺮﺓ ﺃﺷﻐﺎﻧقول ﻟﻠﻪ ﻓﺎﺵ ﺇﻳﺴﻮﻟﻨﻲ ﻋﻠﻰ ﺣﻴﺎﺗﻲ ﻓﺎﺵ ﺩﻭﺯﺗﻬﺎ ﺃﻭ ﻭﻗﺘﻲ ﻓﻴﻦ ﺿﻴﻌﺘﻮ، ﺣﻴﺎﺗﻲ ﻣﺸﺎﺕ ﺗﻤﻨﻴﻴﺖ ﻛﻮﻥ ﺭﺟﻊ ﻟﻴﻔﺎﺕ، ﻻﺣﻮ ﻋﻠﻴَّﺎ ﺗﺮﺍﺏ ﺃﻭ الورد ﺃﻭﺭﺟﻌﻮ ﻓﺤﺎﻟﻬﻮﻡ ﺑﺤﺎﻝ ﺇﻻ ﻋﻤﺮﻫﻮﻡ ﻣﺎﻋﺮﻓﻮﻧﻲ، ﺑﻘﻴﺖ ﺑﻮﺣﺪﻱ ... « ﻳَﺎ ﺃَﻳَّﺘُﻬَﺎ ﺍﻟﻨَّﻔْﺲُ ﺍﻟْﻤُﻄْﻤَﺌِﻨَّﺔ ~ ﺍﺭْﺟِﻌِﻲ ﺇِﻟَﻰ ﺭَﺑِّﻚِ ﺭَﺍﺿِﻴَﺔً ﻣَﺮْﺿِﻴَّﺔً ﻓَﺎﺩْﺧُﻠِﻲ ﻓِﻲ ﻋِﺒَﺎﺩِﻱ ﻭَﺍﺩْﺧُﻠِﻲ ﺟَﻨَّﺘِﻲ» ﺍﻟﻔﺠﺮ، ﺍﻵﻳﺎﺕ ٢٧ .
اللهم ارزقنا حسن الخاتمة .
تحياتي خوتي ❤
ليست هناك تعليقات:
إرسال تعليق