بوسط خفيف ضريف على الــDDos و Dos
الدوس هو اختصار ديال denial of service والمعنى ديالو هو كتمنع واحد الزبون من انه يستعمل واحد الخدمة لي من حقو ياخذها , يعني يلا شي حد مكونيكطي لروتر بكابل وجيتي نتا قطعتي داك الكابل راك كتسما درتي عليه هجمة Dos .
هاد الشي نظري , فالبراتيك الهاكر ماشي كيمشي يقطع الكابلات مي كين طرق أنفورماتيكية ههه باش تدير هاد هجوم حجب الخدمة , اكثر الاساليب تداولا هما MITM و l'innondation .. ميتم ماعندويش عليها دابا .
والطريقة الثانية هي الاغراق , المبدئ ديالها ساهل هو كتسيفط بزاف ديال الطلبات لواحد السيرفر (ماشي 10 ولا 20 مي المئات ديال الطلبات فالثانية) السيرفر ماعيقدرش يتعامل معاهم كاملين دونك غادي يحبس من الخدمة ماعيبقا عارف مايدير , هاد الهجمة يقدر يديرها اي واحد على عشيرو فريزو لوكال وغادي تخدم.
مي مايمكنش ديرها على شي سيرفر صعيب مثلا يوتيب ولا غوغل , حيت كيخدمو ببزاف ديال السيرفورات فدقة وفدول مختلفة , هوا لي كيتسما ريزو CDN , وعاد كينين طرق للوقاية من الدوس بحال مثلا يلا شافوك كتسيفط كتر من طلب فالثانية ماكيستاجبوش ليك ...
من جهة خرا هنا عارفين ان مواقع كبار بحال الويكيليكس طاحو بسباب الدوس , كيفاش ؟ هنا عاد كيصلح DDos , دي لولا هي distribueted يمكن كتبتها خاطئة مي المعنى ديالها هو هجمة دوس موزعة , كيديروها بزاااف ديال الناس فدقة وحدة , كل ماكان العدد كبير كل ما كيتزاد مفعول الهجمة ..
كينين جوج طرق باش تدار هجمة ددوس , سواء ألاف ديال الهاكر ولا ناس عاديين كيتافقو باش يهجمو فواحد الوقت محدد باش يطيحو السيرفر , وهادا احتمال جد مستبعد ..
والطريقة الثانية هي botnet , بوت نيت هو لوجيسال و سيت فدقة وحدة , كيخلي الهاكر يتحكم فشي بيسي بالريزو ويدير فيه مابغا , كينين بزاف ديال البوتنتات المجانبة بحال zeus و vertexnet , الهاكر كينشر التروجين فالانترنت لي يخليه يسيطر على البيسي ديالك , ملي نتا كتحل داك التروجين كتولي ضحية عندو فهاد الضومين كتسما pc zombie والمتحكم بيك كيتسما botnet master بالنسية للناس لي بغاو يزيدو يبحثو , المهم باش نكمل الهاكر حتى كينشر التروجين ديالو مزيااان كيولو عندو بزاف ديال "الزومبي" تحت التحكم ديالو ,
ويقدر ببساطة يدير هجمة دوس على شي سيت و "يبزز عليهم" يهجمو تاهما معاه , وهادي هي الطريقة لي كيطيحو بيها السيرفورات الكبار , هاكر ولا جوج كل واحد عندو جيش ديال زومبي , بأمر واحد كلشي كيهجم فدقة وحدة .
لي مفرج فمستر روبوت راه بانت فالحلقة لولا هجوم DDos على شركة ايفيل كورب , وملي ايليوت بغا يشوف المصدر ديال الهجمات لقاهم من العالم كامل كيجيو الطلبات (ايطاليا الكويت ميريكان...) هذا دليل أخر ان الهجمة خدمات بالبوت نت , الهاكر نشر التروجين ديال فلانترنت وحلو واحد من الكويت وواحد من ايطاليا ... ولي حلو ولا زومبي عندو , حتا بغا يهجم وعطاهم امر باش يهجمو بلا ميصيقو الخبار .
كامو هادو اهم المعلومات حول هجوم الــDDos و Dos كنتمنا تكونو ستافدتو شي حاجة و كالعادة اللي عندو اضافة اولا معلومات اخرى فهاد المجال ميبهلش علينا بيها و شكرا لكم ...
الى اللقاء فموضوع جديد ان شاء الله ....
الدوس هو اختصار ديال denial of service والمعنى ديالو هو كتمنع واحد الزبون من انه يستعمل واحد الخدمة لي من حقو ياخذها , يعني يلا شي حد مكونيكطي لروتر بكابل وجيتي نتا قطعتي داك الكابل راك كتسما درتي عليه هجمة Dos .
هاد الشي نظري , فالبراتيك الهاكر ماشي كيمشي يقطع الكابلات مي كين طرق أنفورماتيكية ههه باش تدير هاد هجوم حجب الخدمة , اكثر الاساليب تداولا هما MITM و l'innondation .. ميتم ماعندويش عليها دابا .
والطريقة الثانية هي الاغراق , المبدئ ديالها ساهل هو كتسيفط بزاف ديال الطلبات لواحد السيرفر (ماشي 10 ولا 20 مي المئات ديال الطلبات فالثانية) السيرفر ماعيقدرش يتعامل معاهم كاملين دونك غادي يحبس من الخدمة ماعيبقا عارف مايدير , هاد الهجمة يقدر يديرها اي واحد على عشيرو فريزو لوكال وغادي تخدم.
مي مايمكنش ديرها على شي سيرفر صعيب مثلا يوتيب ولا غوغل , حيت كيخدمو ببزاف ديال السيرفورات فدقة وفدول مختلفة , هوا لي كيتسما ريزو CDN , وعاد كينين طرق للوقاية من الدوس بحال مثلا يلا شافوك كتسيفط كتر من طلب فالثانية ماكيستاجبوش ليك ...
من جهة خرا هنا عارفين ان مواقع كبار بحال الويكيليكس طاحو بسباب الدوس , كيفاش ؟ هنا عاد كيصلح DDos , دي لولا هي distribueted يمكن كتبتها خاطئة مي المعنى ديالها هو هجمة دوس موزعة , كيديروها بزاااف ديال الناس فدقة وحدة , كل ماكان العدد كبير كل ما كيتزاد مفعول الهجمة ..
كينين جوج طرق باش تدار هجمة ددوس , سواء ألاف ديال الهاكر ولا ناس عاديين كيتافقو باش يهجمو فواحد الوقت محدد باش يطيحو السيرفر , وهادا احتمال جد مستبعد ..
والطريقة الثانية هي botnet , بوت نيت هو لوجيسال و سيت فدقة وحدة , كيخلي الهاكر يتحكم فشي بيسي بالريزو ويدير فيه مابغا , كينين بزاف ديال البوتنتات المجانبة بحال zeus و vertexnet , الهاكر كينشر التروجين فالانترنت لي يخليه يسيطر على البيسي ديالك , ملي نتا كتحل داك التروجين كتولي ضحية عندو فهاد الضومين كتسما pc zombie والمتحكم بيك كيتسما botnet master بالنسية للناس لي بغاو يزيدو يبحثو , المهم باش نكمل الهاكر حتى كينشر التروجين ديالو مزيااان كيولو عندو بزاف ديال "الزومبي" تحت التحكم ديالو ,
ويقدر ببساطة يدير هجمة دوس على شي سيت و "يبزز عليهم" يهجمو تاهما معاه , وهادي هي الطريقة لي كيطيحو بيها السيرفورات الكبار , هاكر ولا جوج كل واحد عندو جيش ديال زومبي , بأمر واحد كلشي كيهجم فدقة وحدة .
لي مفرج فمستر روبوت راه بانت فالحلقة لولا هجوم DDos على شركة ايفيل كورب , وملي ايليوت بغا يشوف المصدر ديال الهجمات لقاهم من العالم كامل كيجيو الطلبات (ايطاليا الكويت ميريكان...) هذا دليل أخر ان الهجمة خدمات بالبوت نت , الهاكر نشر التروجين ديال فلانترنت وحلو واحد من الكويت وواحد من ايطاليا ... ولي حلو ولا زومبي عندو , حتا بغا يهجم وعطاهم امر باش يهجمو بلا ميصيقو الخبار .
كامو هادو اهم المعلومات حول هجوم الــDDos و Dos كنتمنا تكونو ستافدتو شي حاجة و كالعادة اللي عندو اضافة اولا معلومات اخرى فهاد المجال ميبهلش علينا بيها و شكرا لكم ...
الى اللقاء فموضوع جديد ان شاء الله ....
ليست هناك تعليقات:
إرسال تعليق