بعض النصائح اللي غتختاجها لاجتياز الامتحان الجهوي
فهاد المقال الجديد على موقع ويكي كيفاش جمعنا ليكم بعض النصائح التي غتختاج ليها فالامتحان الجهويباش تجيب نقطة عالية ان شاء الله ..
سولوني الناس بزاف اخوتي الكرام كيقراو فمستوى باكلوريا و اولى باكلوريا، وهمهم الوحيد هو كيفاش ادوزو الامتحان الوطني أو الجهوي بامتياز، الا ان الخوف اللي فيهم من هاد الامتحانين يقدر يسبب بعض الاعراض الغير مرغوب فيها، فهاد الموضوع غانقدمو بعض النصائح للمقبلين على الامتحان الجهوي وكنتمناو النجاح لجميع اصدقاء الموقع ديالنا.
- اولا
ماتركزش على مادة وحدة ووحيدة، حاول المراجعة ديالك تكون شاملة و متناغمة، و خذ من كل فن طرب كيفما كيقولو. و ماتغفلش عينك على شي درس، و هنا بغيت نوضح واحد الفكرة، اياكم اخوتي الكرام فمادة الفرنسية تركزو فقط على BOITE a Merveilleحيت الاكثرية كيركز عليها .. فقط لانها كتدار فالامتحان بزاف، لكن لا انصحكم بذلك.
- ثانيا،
فكر فالامتحان الجهوي على انه امتحان عادي، الحاجة الوحيدة المختلفة هي انك غتفيق 2 المرات فالصباح بكري و تجتاز 3 أو 4 امتحانات متابعة.
- ثالثا،
عود راسك على كتابة مقالات فمواضيع مختلفة، ودير لراسك امتحان فردي، مثلا اكتب شي مقال حول هجرة الادمغة او شي حاجة بحال هاكا .
- رابعا،
ما تغفلش عن مراجعة الانشطة فالتربية الاسلامية، بحال نشاط الندوة او الطاولة المستديرة و غيرها، فلا بد منها فالامتحان.
و اخيرا، استعد نفسا و جسديا جيدا، و ما تنساش تاكل التمر فالفطور، و تحية عالية الى اللقاء
ليست هناك تعليقات:
إرسال تعليق