السلام عليكم اصدقاء موقع ويكي كيفاش فهاد المقال الجديد الي غانعرفو فيه اهم الخطوات اللي يجب اتخاذها قبل ما تقرر تشري او تبدا فقراءة كتاب معين .. تبعوا معانا خطوة بخطوة ان شاء الله حتى نوفيوا فها الجانب ..
خطوات لازم تقوم بها قبل ماتقرر تشري أو تقرأ أي كتاب ...
- حدد اي مجال أنت باغي تقرأ فيه؟
- اسأل متخصص فهاد المجال عن أبرز الكتب اللي ممكن تفيدك ..
لو ماكتعرفش شي متخصص سول جوجل أو جودريدز .. تقييمات جودريدز مهمة .. غادي تدير شي قائمة بالكتب اللي أنت شايف أنك مهتم بيها ..
وتبدأ تتعرف عليها من خلال 4 ديال النقط:
1- غلاف الكتاب: غتلقى فيه عنوان الكتاب وهادا كيعبر غالبا عن اللي فالكتاب، واسم المؤلف ودار النشر، وفظهر الكتاب ممكن تلقى نبذة عن الكتاب أو المؤلف .. هاد الحاجات غتفيدك جدا إنك تحدد واش هاد الكتاب فإطار اهتمامك ولا لا.
2- المقدمة أو التمهيد: كيكون فيه توضيح لما يحتويه الكتاب.
3- الفهرس: و كيوضح تقسيمات الكتاب وكل الموضوعات الموجودة فيه .. ضروري تقرأ الفهرس .. باش تعرف إذا كان الكتاب هيفيدك أو لا .. أنت ماشي كتشتري الحوت فالبحر ✌.
4- غتشوف الموضوع اللي ممكن يشدك فالفهرس .. وغتفتحو .. وتقرأ منو مثلا نصف صفحة .. من خلالها غتعرف إلا كان أسلوب الكاتب كيناسبك أو لا .. غتعرف إذا كان الكاتب عيقدم محتوى مزيان ولا غير كيرخربق .. وماشي عيب بتاتا الى قلبتي شوية فالكتاب .. ماكاين حتى شي اشكال.
هادشي كاملو مياخدش منك 5 دقايق ..
ماتعكزش وتقول هادشي كثير ..
ما عمرك تشري الكتاب غير حيت عجباتك سميتو ..
ماعمرك تشري كتاب حيت مشهور و دايرين ليه دعاية بزاف ..
اشتري الكتاب اللي غتستافد منو .. اللي تستافد منو وبس ههه.
تحية عالية لأصدقائنا الاوفياء .. متنساوش تشاركوه مع اصدقاء ديالكوم الى كيبان ليكم محتوى زوين ومفيد ..
ليست هناك تعليقات:
إرسال تعليق