اشنو كايوقع للانسان بعد الموت؟
بعدما كيموت الشخص بثواني كيتوقف القلب ومكيبقاش يضخ الدم للخلايا وبالتالي كينقص الأكسجين فهاد الخلايا، فكتببدا تموت تماما، وحدة تابعاها الاخرى ، خلايا الدماغ هي اللي كتموت أولا و بالنسبة لخلايا الجلد ممكن تبقا 24 ساعة حية.
درجة حرارة الجسم كتقل بنسبة 1.7 فهرنهايت كل ساعة حتى توصل ل25 درجة مئوية، الدم كيبدا يتجلط فالجسم، وكتبدأ الخلايا فالتعفن، من بعد شي سويعات كيبدأ يتراكم فالعضلات حتى تتشد لمدة 36 ساعة و من بعدها كيحصل ليها ارتخاء تام وكيطلَّع الإنسان البقايا ديال أي فضلات فالداخل ديالو بعد 36 ساعة.
من بعدها كيبدأ الجلد فالإنكماش وكتبدأ الجاذبية فسحب الدم للأسفل وكيولي لون الجلد غامق، بعد ذلك كتبدا البكتيريا اللي كانت موجودة فجسم الإنسان كتساعدو فالهضم كتاكل فيه هو نيت، والإنزيمات كتهضم أعضاء الجسم بمساعدة هاد البكتيريا.
من بعد هادشي كيبدا الجسم باطلاق مواد كيميائية نتيجة لعملية التحلل وفخلال أيام كتبان الرائحة الكريهة للميت. بعدها كيبدا الدود فأكل 60 % من الجسم خلال أسبوع واحد ومن ثم كيتحول لون الجسم للأسود.
كيبدأ شعر الإنسان كيتساقط من كل أجزاء الجسم من بعد شهر واحد وكتكمل البكتيريا فأكل الجلد والعضلات المدة ديال 4 شهور ولا يتبقى من الجسم غير الهيكل العظمي بوحدو. واللي ممكن يبقا تحت التراب فترة طويلة بزاف كتفاوت حسب ظروف التربة ودرجة الحرارة المحيطة.
ليست هناك تعليقات:
إرسال تعليق