لا أحد يقدر ينكر ان الكورسات الأون لاين سهلات علينا تعلم حاجات كتيرة رغم تخوفنا منها فالبداية و عدم تقبلنا لفكرة انه كاين شي حد من مكان تاني غيشرحلي شي حاجة ونفهمها.
كيف أدرس أراجع وأتعامل كورس اون لاين
جلسنا فترة كبيرة جدا كنقارنو مابينها وبين الكورسات الأوف لاين ونقول شكون الأحسن, حتى اندثرت هاد المقارنة واختفت لان الاون لاين قدر يثبت نفسو مع الوقت ويطور فتلببة احتياجات المستخدمين. والناس ابدات تاخدو على محمل الجد عكس ما كان قبل
لكن عندنا واحد المشكلة مع الكورسات اون لاين
بزاف ديال ناس كتفرج فكورسات اون لاين ومكتكملهاش او مكيستفدوش منها استفادة حقيقة, وعادة غيشوفوا ان الاون لاين غير مفيد ليهم وانه خاصهم يقلبوا على بديل.
اوكي قبل مانقرروا واش الأون لاين مفيد ولا لأ ... خاصنا نتفاعلوا معاه بشكل صحيح باش يجيب نتيجة مؤثرة ؟!!
لو كنتي واحد من الناس اللي باقي عندها مشكل مع الأستفادة من الكورسات الاون لاين و بغيتي توصل لنتيجة مؤثرة اثناء وبعد الكورس فهاد المقال الجديد على مدونة ويكي كيفاش ليك
ولو انت معندكش مشكلة فالكورسات الاون لاين وكتشوف انك كتعرف تستافد منها الأستفادة الكاملة. فممكن تقرا المقال وتقولنا واش كتقوم بهاد الخطوات ولا عندك طريقة تانية كتناسب معاك اكتر وتشاركنا بيها.
ملحوظة : الخطوات اللي غنقولها فالمقال ممكن تستافد منها بأي كورس اون لاين.
حدد وقت مخصص للكورس
بحال الى كنتي غتاخد شي حصة زايدة فشي مركز أوف لاين, غيكونوا عندك مواعيد ثابتة و مرتبط بيها وغتظبط يومك على اساسها
فنفس الكلام فالكورسات الأون لاين. غيكون ليه موعد ثابت و الفرق الوحيد انك انت ممكن تراجع فاوقات عمرك ماكنت غتحددها لو كنتي غتاخد كورس فشي مركز, بحال انك تراجع فالساعة 5 ديال الصباح لو أنت كتفيق بكري ولو كنتي من الشخصيات اللي كتسهر بزاف فانسب وقت هو الساعة 3 قبل الفجر.
الفكرة انك تشوف اكتر وقت فنهارك مخك كيكون فيه ناشط ومستعد يستقبل معلومات وتخصصو للكورس اللي غتاخدو
تقسيم الكورس اون لاين
لو بغيتي تستافد فعلا فاي كورس وتفهمو وتركز عليه وتحس انك فعلا مستفيد. هو انك تقسّموا والتقسيم مغيكونش عن طريق انه انا كل يوم غنكمل فيديو فيه لا, التقسيم هنا خليه بالوقت قول انا كل يوم انك تراجع فيه ساعتين او ساعة على حسب وقتك و هاد الوقت يتقسم 25 دقيقة مذاكرة وتركيز , واستراحة 5 دقايق وبعدها 25 دقيقة واستراحة 5 دقايق وهكذا
واثناء الكورس تبعد عن اي مشتتات للانتباه
انت والكورس والكرونو وبس.لو اكرونو عندك غير فالهاتف خليه على الـFlight mode
اهم حاجة فهاد الخطوة هي الاستمرارية والألتزام ومتزيرش على راسك فيومين عشان باش تكمل الكورس, غتكملو ومغتستافد منو والو لكن لو درتي كل يوم ساعتين ممكن تكمل على 10 ايام ولكن غتكون متمكن منو.
العلم فالراس وماشي فالكراس.
سمعت على واحد الظاهرة اسمها "Illusion of competence" وهادي ظاهرة توهم التعلم, اللي هو انك انت كتقرا مقال على النت او كتسمع فيديو تعليمي وتقول لنفسك لا انا مركز جدا انا حفظتو مزيان وملي تجي تحكي لاصحابك عليه باش يستافدوا من المعلومات اللي اخدتيها تلقى نص المصطلحات مشاو ليك والفكرة مكاملاش عندك هادي هي الظاهرة.
المناقشة والمشاركة وطرح الأسئلة بخصوص الكورس
من اهم الحاجات اللي المفروض تستافد منها فالكورسات الاون لاين هي المناقشات اللي كتكون موجودة فالكورس ممكن تلقاها فالتعليقات وممكن تلقاها على جروب او المواقع الكبيرة عادة كتكون دايرة مجتمعات للمجالات اللي كتدرسها.
المناقشة غتفيدك فأنك توصل لوجهات نظر مختلفة ومعلومات اكثر عمقا من اللي عندك متكتفيش بالكورس بوحدو .. المناقشة والاسئلة مفيدين جدا
كمل لأخر الكورس
طبيعتنا كبشر كنعياو وكنملو بسرعة. ولما كنقرب نكملو الحاجة اللي فيدينا كيجينا
احساس اننا كملناها فعلا والحقيقة انها مازال .. لذلك متستسلمش حتى للاخر
الخلاصة
كل حاجة عندها ميزات وعيوب اهم حاجة اننا نستافدو بميزاتها ونعالجو عيوبها او عيوبنا
اهم حاجة فأي علم هو الالتزام بيه وتطبيقه كما يجب وهادا هو الفيصل اللي بينك وبين غيرك سواء على المدى القريب او البعيد غيأثر عليك بشكل أو بأخر.
وصلنا الى نهاية المقال اللي هضرنا فيه عن كيف اراجع وأتعامل كورس اون لاين وفصلنا فيه أهم النقاط حول هاد الموضوع
كنتمنا من اللي سبق ليه وخدا شي كورس اون لاين يحكي لينا التجربة ديالو و كيفاش كان كيتعامل مع الكورسات اون لاين
تحية عالية لكم و السلام
ليست هناك تعليقات:
إرسال تعليق