السلام متابعي موقع ويكي كيفاش الاوفياء اليوم مع مقال جديد حول الزواج .. قررت نهضر ليكم على شي حاجات كتبان لي غير كماليات فالزواج غند المغاربة و ممكن يتم استغلالها فحاجات أخرى أهم .. قراو المقال حتى الاخر ومتنساوش تعطيوني رأيكوم ..
1-متديروش خطوبة او عرس مكلف وغالي وتعرضوا على ناس مكتعرفوش اسمهم بحال اهلك من بعيدبزاف و جيران ديال الاقرباء .. من الأخر متصرفوش فلوس بزاف على ناس مكترتبطش فرحتكم بيهم .
2- فرحتك كتكمل بناس معينين فحياتكم متمشيش للزحام برجليك، اختار الناس اللى كتعرف تفرح معاهم ومتاكد انهم غيفرحوليك ويفرحوك فنهارك، ماشي غير حيت الاصول كتقول اعرض على مرات خالة بنت أخت راجل عمتك اللي مكتعرفوش اسمها اصلاً .
3- لو انتوما من الأساس ممهتمينش بزاف بالعرس .. متديروهش سافروا اصرفوا فلوسكم على الحوايج اللي تفرحكم.
4-متجيبوش شي حاجة مغتحتاجوهاش فحياتكم مثلا شي كولييه بستلاف درهم ولا أكثر، مع انكم غتفرحوا أكتر لو جبتوا لبيتكوم جهاز معين ثلاجة مثلا أو ... او غيرتوا تيليفوناتكم او جبتوا شي بيسي محتاجينو .
5- متجيبش ذهب بزاف لو البنت مكتبغيش الذهب ومكيفرحهاش .. لو عزيز عليها الفضة بزاف جيبليها الفضة ( أو النقرة بالدارجة ) ، والمهر و الدفوع ماشي فرض ومعندوش قوانين لو كنتي عارف أن البنت محتاجة لهادوك فلوس الدفوع انها تصلح سيارتها او تجيب شي حاجة محتاجاها او تدير شي دبلوم غالي محتاجة تاخدو أكتر من الذهب والمجوهرات.
6-ماشي ضروري بيت النعاس المبالغ فيه و اللي كايوصل 1500 درهم -على الاقل- ديال نهار العرس ... حتى المنظر ديالو يقدر يشوكي لو الواحد نعس عليه و من بعد يتركن فالصالون والغرض فيه فقط للفرجة والمنظر وشوفوني راني لاباس عليا ...
7-علاش كل واحد فيكم يجيب حوايج كتير بحال لاغيكسي شي دوار فقير ماشي غيتزوج، واللى واقع فقط هو أنه غينتقل من بيت دارهوم لبيتو مع شخص من المفروض عارفو مزيان ماشي داخل مسابقة عرض الازياء عليها زلا عليك .. الموضوع ابسط من هاكا ..
8-لو العروسة عندها شي بنت خالة وأم العروسة حاولات تقارن داكشي اللي جاها بلي انت جايبو أقتلها وأقتل خالتها و خليها تتعلم ان هادي ماشي مسابقة (بس: غير ضاحك).
9- علاش كتعملوا بيت الدراري و انتوما باقي معندكومش او ماشي مخططين انكم يكونوا عندكوم بالزربة على اساس أن البيبى مغيجيش غير لا ماطمأنش أن سريره المزوق كاين، استغلوا هاد البيت فحاجة تنفعكوم .
10-لو انتم مكتحملوش الصالونات المدهبة او كتميلوا أكتر الى العصري فبلا متجيبوا صالون، مغتحتاجوش نيش متجيبوهش، لو غتعملوا طابلة صغيرة ديال الأكل فالمطبخ و الضياف غيتزاحموا متجيبوش طابلة ديال 24 كرسي .
11- بعد ما تتزوجوا لو شي حد من أقاربكم جا يبارك لكم بعد الزواج وقاليكوم بغا يتفرج على الشقه قولوليه أنت ماشي فمعرض .
12- فالنهاية عنداكم تكونوا سلعة للفرجة، متعملوش شي حاجه ممقتنعينش بيها غير حيت من المفروض تعملوها .
قولولنا اشنو هي الحاجات اللى معندهاش ضرورة أنها تدار فالتحضير للزواج ؟
وغنزيدوها في المقال باسمك وكالعادة كنرحبو بجميع الحوارات و النقاشات وأي واحد عندو ميضيف او بغا يقول شي حاجة مرحبا ...
ليست هناك تعليقات:
إرسال تعليق