أشنو كيعني Deepweb أو Darkweb

ماهو Deepweb أو Darkweb

الناس اللى معارفينيعنش اشنو كيعني الديب ويب أو Deepweb او دارك ويب Darkweb، الناس اللى واخدين فكرة ان الدارك ويب او الانترنت المظلم مكان مظلم جدا وعميق والوان اخضر واحمر واسود، وعالم عامر بالسواد، شوف اسيدى، بعيدا عن داكشي اللي انت قريتيه او كيتخيل ليك أن الدارك ويب مكان أسود وله الوان وانك لو دخلتي ليه هناك غيخطفوك ويقطعوك ويبيعوك بياس ديتاشي، وكمية الصفحات الكتيرة اللي كتخلع فالناس ببوستات فيها صور اقنعة الخ..

حيد من دماغك كل اللي كتعرفو عن الدارك ويب او الديب ويب وخلينا نتكلموا هنا بكل بساطة، حتى لو عندك أي أستفسار اكتبه فتعليق وغنحاول قدر الامكان نجاوب على كل نقطة، الدارك ويب هو مواقع انترنت عادية شكلها بحال المواقع العادية بالظبط، مكتوبة بأي لغة من اللغات اللي تعرفها ماشي بالماء السحري ولا الحبر السرى... 

الفرق مابين المواقع العادية ومواقع الدارك ويب

الفرق مابين المواقع العادية ومواقع الدارك ويب ان مواقع الدارك ويب مكيديروش ليها "indexing  او أرشفة" غشرحها بإسهاب فاخر المقال فالفرق مابين deep and dark web . ولا تستطيع أن تدخل لها بواسطة الاتصال الانترنت العادي بمعنى أن مكاينش محرك بحث يبحثلك عن اللي انت بغيتيه تما، بمعنى انه مكينش دليل تليفون باش تتصل بشخص معين الا لو كنت انت بنفسك عارف الرقم اما لو معارفش فحتا  شي واحد مغيقولك عليه، وحيت هناك مكيناش رقابة على الانترنت فأي حد ممكن يفتح موقع ويبدا يبيع أي شئ عليه، تجارة اعضاء بشرية، قتل مأجور، دعارة القاصرات، سلاح، مخدرات، ادوات ممنوع تداولها، الخ..

أى شيء انت تتخيله كيتباع هناك لأن الدارك ويب بكل بساطة دولة بلا رئيس أو قانون الا أن مؤخرا بسبب رواج هاد التجارة، ال FBI ابدات تعقب الناس، ونتيجة لصعوبة تعقب الاشخاص على الدارك ويب الا أن هادا كيعتمد على المهارات ديالك التقنية الشخصية "متقوعش فريسة لأي هجوم تقني" وكيعتمد على التكنولوجيا اللي كتستخدمها "بمعنى أن ميكونوش ثغرات فالمتصفح المستخدم أو فالوسيلة اللي كتدخلك ل Router االمسؤول عن دخولك ل nodes اللي كتقوم من خلالها بالاتصال بهاد المواقع. 

كيفية الدخول للدارك ويب

الدخول للدارك ويب مفيهش فلسفة ولا صعوبة، كل اللى عليك هو تنزيل حزمة اسمها ToR Bundle وهادا عبارة عن مجموعة من الأدوات والاضافات متحزمة بشكل كيسمحليك أنك تتصل بشبكة ToR المسؤولة عن دخولك لل darkweb بالاضافة الى متصفح خاص "مبني على متصفح فايرفوكس" كتنزلها وتسطبها عادي جدا بحال أى برنامج، غتفتحها، غيقوم المتصفح بالاتصال بال Router الخاص بشبكة ToR وبعدها غيقولك أنه متصل بنجاح، مرحبا أنت مهيئ لتصفح مواقع الدارك ويب، المهمة ديالك دابا انك تكتب الموقع بإيدك وتدخل ليه. المواقع على الدارك ويب مكتنتهيش بنهايات بحال .com و .org و .net لا، كتنتهي دايما ب .onion وهادا نسبة لإسم الروتر اللي كيتحكم فكل مهمة اتصال.

بالنسبة ل ToR Bundle فأنت مكتختارش المتصفح، ال ToR Bundle  مدمجة ومضبطة فقط على المتصفح ديالها باش ميحصلش أى تسريب للهوية ديالك وتكشف، أما لو كنتي شخص ذو خلفية تقنية في الامن المعلوماتي كبيرة جدا تقدر تشغل هادشي مع أى متصفح تاني ولو أنه خطير جدا وغير مرحب به ولا يتم التوصيه به أبدا نتيجة لأسباب أمنية تقنية كتيرة.

العملة المتداولة فى ال darkweb هى ال bitcoin بأشكالها وبأجزائها litecoin، الخ..

الفرق بين Deepweb أو Darkweb

حاجه أخيرة، كاين واحد شبه الخلط عند كتير من الناس “تا انا كنت واحد منهم” مابين ال Deepweb وال Darkweb   شوف ياسيدى:

- ال Deepweb هو المعنى الاعم والاشمل، بمعنى ان الديب ويب كيحتوى على ال darkweb ومواقع اخرى عادية، الديب ويب هي أي مواقع تم اخفائها عن محركات البحث، أي المواقع اللي مكيدارش ليها index بتاتا، بمعنى لو انت شخص وعندك سيرفر خاص بيك ومربوط بدومين على سبيل المثال abdo.com وعندك قسم على هاد الدومين بإسم hola فبالتالى حتاواحد ميعرف هاد المسار  http://abdo.com/hola غيرك انت وحدك، يعنى مكينش محرك بحث قدر يوصل لهاد الرابط فبالتالى هاد الرابط هو جزء من ال deepweb وعادي جدا تلقى هناك دومينات كتنتهى ب .com و .net و .org الخ

- أما ال Darkweb  فهو الجزء المظلم من ال deepweb مظلم وعرفنا علاش حيت كل المحرمات والمواد الغير شرعية اللي كيتم تداولها هناك، الانترنت المظلم جزء غير مفهرس non-indexed وأيضا غير قابل للوصول من خلال اتصال الانترنت العادي، مكينش دومينات هناك كتنتهى ب .com و .net و .org الخ كل الدومينات بتنتهى ب .onion و لو بغيتي توصل للانترنت المظلم  لازمك تحميل الحزمة اللى اتكلمنا عليها Tor Bundle.

صحيح لازم تكون عندك خلفية تقنية كبيرة جدا باش تعرف تتعامل مع هاد العالم، هناك انت كتتعامل مع أشخاص بدون ضمير، بدون أخلاق، بدون أى وازع ديني، شرفي، الخ، هناك كتتعامل مع مجرم محنك، نصاب، ذو خلفية تقنية شبه قويه “على حسب” فلو بغيتي يسرقك أو يكشف هويتك وأنت شخص عادي غيدرها بكل سهولة.

و هادشي كامل، غير باش ميجيش شي حد يضحك عليك ويحط ليك ماسكات انونيموس ولا ماسكات fuck society ولا حاط تصويرة البروفايل سوداء ولا حمراء ولا كاتب أنه مستر روبوت ويقولك عنداك وجهك والديب ويب وجبتك فالشبكة، لا هادشي الليي  كتبتو لكم هو الصحيح، خود المقال وحطو فوجهو وقوليه بلا صداع ! 

وصلنا الى نهاية المقال اللي هضرنا فيه عن 
أشنو كيعني
 Deepweb أو Darkweb
 وفصلنا فيه أهم النقاط حول هاد الموضوع 

كنتمنا من اللي سبق ليه وخدا شي فكرة على هاد الموضوع ديال الدارك و الديب ويب يحكي لينا التجربة ديالو و مرحبا بأي سوال أو اضافة أو تعقيب 
 ...تحية عالية لكم و السلام