بسن الله الرحمان الرحيم
-اسميتو ابو العباس احمد بن محمد بن عثمان الازدي معروف بأبن البناء المراكشي، تزاد ف (456 م -721 ه = 1256-1321م) ولقبوه بابن البناء حيت باه كان بناي والمراكشي خيت تولد فمراكش وعندو لقب تاني هو العددي نسبة للعدد اي الحساب حيت مان نابغة فعلم الرياضيات، وألف بزاف ديال الكتب فهاد المجال واستنبط بزاف ديال القواعدلي مازال الاثر ديالها موجود حتال دابافعلم الرياضيات.
تزاد ابن البناء عام (654 ه 256 م) فمراكش، دخلو باه للكتاب بحال جميع الوليدات فداك الوقت وحفض القرآن الكريم، ودرس الفقه والنحو والصرف والبلاغة والادبعلى يد علماء مشهورين فهاد المجالات.من بعد توجه ابن البناء لفاس وردس الطب والرياضيات والفلك والتنجيم حتى ولا بارع فيهم، وكانو الطلاب تيجيوه من كل انحاء البلاد، ونال ابن البناء اعجاب ومدح بزاف ديال العلماء حيت كان تيقوم بمجهودات كثيرة فتطوير الرياضيات، وكان تيخدم من بعد صلاة الفجر حتال الظهر وعدو بعض المصنفات ومنها (التخليص فالحساب) و (اللوازم العقلية فمدارك العلوم) و (الروض المريع فصناعة البديع) وكتاب فالاوقات وكتاب فالانواء وغيرهم بزاف وبقا فبلاده وفالعلم ديالو حتا مات سنة 721 ه
وتكلم عليه ودكرو ابن خلدون فمقدمته وتاريخه وكان تيدكرو بالامام ابي العباس المراكشي احتراما ليه وكان تيقول عليه "شيخ المعقول والمنقول والمبرز فالتصوف علما وحالا ... وكان امام فعلم النجامة واحكامها وداكشي لي متعلق بيها".
وهاد الشهادات خداها من كبار علماء الاسلام بحال ابن حجر العسقلاني وابن خلدو
ون مؤسس علم الاجتماع، وابي عباس الناصري مؤرخ المغرب العربي وهادشي كيزيد من القدر ديالو وكلامهم عليه تيزيد من علو مقامو، وتخرج على ايدو بزاف ديال التلاميد لي واصلو فمسيرتو وساعدو فتطوير العلوم فمختلف فروع المعرفة ومين هاد التلاميذ: الاستاد الحيسوبي المشهور ابو زيد عبد الرحمان بن ابي ربيع اللجاتي والعالم القلصادي وابو البركات البفيقي وابن النجار التلمساني وغيرهم بزاف.
كان ابن البناء شخصبة فذة وكان عندو دور كبير فعلم الرياضيات وهادشي لي اعترف بيه علماء الشرق والغرب، وكان للتلاميد ديالو دور كبير فاكمال هاد المسيرة من بعدو.
وهكا بقا ابن البناء علما من اعلام الاسلام فبلاد المغرب العربي خاصة والعالم الاسلامي عامة، ومات رحمة الله عليه فمكان ولادتو بمراكش عام (721 ه -1321 م).
ومن اسهامات ابن البناء فالحساب انه وضح النظريات الصعبة والقواعد المستعصية وقام ببحوث مستفيضة على الكسور، وحط قواعد لجمع مربعات الاعداد ومكعباتها وقاعدة الخطأبين كل معادلات الدرجة الاولى، والاعمال الحسابية ودخل تعديل على الطريقة المعروفة بطريقة "الخطأ الواحد" وتحط على شكل قانون.
وجا فذاكرة المعارف الاسلامية باللي ابن البناء تفوق على اللي سبقوه من علماء الرياضة من العرب فالشرق وخاصة فحساب الكسور .كيفما كان من العلماء اللي استعملو الارقام الهندية فصورتها المستعملة عند المغاربة.
ألف ابن البناء اكثر من 70 كتاب فالحساب والهندسة والجبر والفلك والتنجيم وللاسف ضاع اغلبها وبقا غي القليل منها واشهرها:
-كتاب تلخيص اعمال الحساب: كيعترف "سمت طارسون" باللي هو احسن كتاب لي بانت فالحساب.
-مقالات فالحساب: وهو بحث فالاعداد الصحيحة والكسور والجذوروالتناسب.
-كتاب الجبر والمقابلة.
-كتاب الفصول والفرائض
-رسالة فالمساحات
-كتاب الاسطرلاب واستعمالاته.
-كتاب احكام النجوم.
-منهاج الطالب فتعديل الكواكب: وترجم هاد الكتاب للاسبانية سنه 1952 م.
-كتاب السيارة فتقويم الكواكب السيارة.
شكراً ليكوم :) كانتبع الموقع ديالكوم فالنشرة البريدية ، اللي عجبني بزاف هو الشرح بالدارجة ، استمرو
ردحذفالعفو سعداء بزاف بهادشي اخويا كنتمناو نكونو عند حسن الظن ديالك (y) :) (k)
حذف