ملي توفى البطل محمد علي، ماتت معاه الأسطورة ديال أحد أعظم الملاكمين فالتاريخ عن عمر كيناهز 74 عام، محمد علي توفى من بعد ما دخل للمستشفى فالثاني من يونيو بسبب مشاكل فالتنفس جات كمضاعفات لمرض باركنسون و اللي كيتسما كذلك بالشلل الرعاش.
ربح محمد علي بزاف ديال المباريات والميداليات الأولمبية ملي يالاه بدا ممارسة الملاكمة فعمر 12 عام وحتى اعتازلها عام 1981.
وخلال المسيرة ديالو اللي دامت 25 عام، حقق كلاي 56 انتصار خسر فقط فخمسة ديال المباريات.
اتشهر محمد علي بالمهارات ديالو العالية والخفة اللي كيتميز بيها داخل الحلبة، كانت السمية ديالو الحقيقية هي كاسيوس مارسيلوس كلاي جونيور.
و فخلال هاد المسيرة ديالو الحافلة قدم بزاف ديال المقولات الملهمة طيلة حياتو، اليو على موقع ويكي كيفاش جمعنا ليكوم أشهر 25 مقولة ديال الأسطورة محمد علي كلاي :
- - "طير بحال شي فراشة، والسع بحال النحلة ما يمكنش تضرب بيديك الا مكتشوفش بعينيك." - قالها فالنزال ديالو قدام فورمان عام 1974.
- - إلا كان العقل ديالي كيتصور شي حاجة ، وقلبي كيأمن بيها، فبإمكاني نحققو ".
- - "صعيب تكون متواضع، ملي تكون فمثل العظمة ديالي".
- - "عش كل نهار كأنو آخر يوم، حيت دكشي غيولي حقيقي شي نهار".
- - "الراجل اللي كيشوف هاد العالم فالخمسين من العمر ديالو بنفس الطريقة اللي شافو بيها فالعشرين غير ضيع ثلاثين عام من حياتو غير هكاك".
- - "تصارعت معا تمساح، وتصارعت معا حوت، كتفت البرق، وتلاقيت بالرعد فالسجن. السيمانا اللي دازت قتلت حجرة كبيرة ، وأدخلت طوبة لسبيطار، أنا خايب لدرجة أنني رديت الدوا مريض" قال هدشي قبل المباراة التاريخية ديالو فالغابة في زئير عام 1974 معا جورج فورمان.
- - "أنا سريع بزاف لدرجة أنني طفيت الضو فالغرفة ديالي فالفندق ورجعت لفراش قبل متظلم الغرفة". ههه ممكن اكون زاد فيه ...
- - "الملاكمة عبارة عن بزاف ديال الرجال البيضين كيتفرجو فجوج ديال الرجال كحلين كيضربو فبعضياتهوم ".
- - "كاسيوس كلاي هي سمية ديال واحد العبد أنا ما أختاريتوش و ما بغيتوش, أنا محمد علي، اسم حر، وأنا كنصرٌ باش يستخدموه الناس كاملين ملي كيتكلمو معايا أو عليا..".
- - "غيكون الأمر قاتل ومثير حيت غنواجه الغوريلا فمانيلا" قالها علي قبل المباراة التاريخية والأسطورية ديال "تريلا فمانيلا" معا جو فرايزر عام 1975.
- - كرهت كل لحظة فالتدريب ولكن كنت كنقول "متستسلمش، ضرب تامارا دابا و عيش بطل فدكشي اللي بقا فحياتك".
- - "الرجل اللي كيعرف اش كتعني الهزيمة هو بوحدو اللي يمكن ليه يغوص فأعماق الروح ديالو ويستخرج منها قوة إضافية باش يربح فالمباراة".
- - "مكايناش شي متعة فالقتال ولكن المتعة كاينة فالفوز و الانتصار".
- - "أنا الأعظم، أنا أعظم شخص على وجه هاد الكرة الأرضية و ماعنديش شي علامة على وجهي." قالها ملي انتاصر على المنافس ديالو سوني ليستون عام 1964.
- - "المستحيل غير مجرد كلمة كبيرة كيقولها دوك الناس الصغار اللي كيفضلو يعيشو فالعالم اللي تعطا ليهوم بدل ما اكتاشفو القدرة اللي كيملكوها باش يغيروه، المستحيل ماشي حقيقة وإنما هو غير رأي، والمستحيل ماشي تصريح إنما هو تحد .. والمستحيل أمر مؤقت فالمستحيل هو لا شيء ".
- - "ما تحسبش الأيام .. خلي الأيام تحسب".
- - "مغتكونش هدرة زايدة الى قدرتي تدير داكشي اللي كتقولو".
- - "الأبطال مكيتصنعون فالصالات ديال التدريب .. الأبطال كيتصنعو من شي حوايج عميقة فالداخل ديالهم، و هي الإرادة والحلم والرؤية و خاص تكون عندهم القدرة على التحمل حتى لآخر دقيقة، خاصهوم يكونوا أسرع شويا، وتكون عندهم المهارة والإرادة، ولكن الإرادة خاص تكون أقوى من المهارة " قال هادشي قبل النزال ديالو مع جورج فورمان عام 1974.
- - "في الدار كنكون رجلا لطيف، ولكن مكنبغيش العالم اعرف . غير المتواضعون هوما اللي كيديرو هدشي".
- - "الى فكرتي حتى ولو في الأحلام أن تغلبني فخاصك تفيق من الحلم ديالك وتعتاذر مني".
- - "الطريقة ديالي فالمزاح هي نقول الحقيقة، حيت هي أفضل مزاح فالعالم".
- - "اللي ماعندوش الشجاعة الكافية باش اخاطر مغيحققش تا حاجة في حياتو".
- - "قلة الإيمان والثقة هي اللي كتجعل الآخرين يخافو من مواجهة التحديات، وأنا وأثق فنفسي" .
يمكن نكون نسيت شي قولة و لكن عارفكوم نتوما مغتنساوهاش فعندكوم الحرية الكاملة فالتعبير و النقاش فالموقع المغربي اللي منكم و اليكم ...
تحياتي و السلام و الى اللقاءفشي مقال أخر ان شاء الله ...
ليست هناك تعليقات:
إرسال تعليق