النيكوتين من المخدرات اللي كيستهلكها العالم كامل واللي كيمنعهاش القانون، حيت هو مادة ضارة و لكن موجود بزاف في العالم.
كولنا عارفين ان التدخين عادة سيئة ومامزيانش ومضر ماشي غير لهاداك اللي كيكمي فقط، ولكن حتى للناس اللي مل كيدخنوش وجالسين معاه، وكتعتابر السجائر أو الكارو مسؤول على نحو 4.9 مليون حالة وفاة كل عام. بالنسبة للإقلاع عن التدخين فهو ماشي شي حاجة مستحيلة، كاينين خطوات يمكن اتبعها، ويمكن ليك كدلك تشوف شي طبيب أو تمشي لشي مركز ديال الإقلاع عن الإدمان اللي مفيدين بزاف من أجل العلاج السريع.
دير هاذ النصائح والإرشادات باش تعرف أكثر كيفاش تحيد من التدخين.
___1 دير أسباب باش تخليك تحيدو .___
___2 كن إيجابي ، متفائل وواثق باللي غتنجح باش تحيد من التدخين.___
___3 حدد شي تاريخ للإقلاع عن التدخين.___
___4 استاعد باش تحيد التدخين.___
أنقص عدد السجائر التي كتدخنها فالنهار.
أبعد من البلايص اللي فيها السجائر.
تخلص من كل ما كيذكرك بالتدخين، بحال البريكا و الوقيد ....، و العادات التي كترتبط به.
حاول تلقا شي شخص قريب منك حتا هو عندو الرغبة يحيد التدخين معاك في نفس الوقت.
بدا دير الرياضة قدر المستطاع.
___5 استاشر شي طبيب أولا سير لشي مركز علاج الإدمان.___
___6 النهار اللي غتحيد فيه التدخين بمرة.___
لوح كل السجائر المتبقية لديك.
حاول تقلل من شرب المشروبات المنبهة، إلا كنت موالف على القهوة حاول تغيرها بأتاي مثلا لكن بنسب أقل.
ماتجلسش في الأماكن اللي والفتي عليها، وتجنب تمشي للقهاوي.
حاول تشغل راسك وتعمر وقت الفراغ ديالك بالأعمال والرياضة قدر المستطاع.
شتت الانتباه ديالك و قلًب دائما على حوايج جداد وديرهم، ما تعطيش لراسك فرصة وحدة باش افكر فالعودة للتدخين.
اطلب الدعم والمساعدة من الطبيب والأهل والأصدقاء.
___7 استامر فالإقلاع عن التدخين.___
الأرق والغضب: المشي والرياضة غيساعدك في التخلص من هذه الحالة.
السعال بزاف: اشرب بعض الأدوية المضادة للسعال، أولا شويا ديال الحلوى.
اضطراب فالنوم والعيا: ابعد على المشروبات اللي كتحتوي على الكافيين (القهوة واتاي) خاصة في الليل.
الصداع في الراس، و حتى صعوبة في التركيز: حاول تسترخا و تنفس بعمق، فكر فديك الحالة الإيجابية والرائعة اللي غتكون عليها صحتك وجهك من بعد ما تحيد التدخين.
___8 كيفاش تتعامل مع رغبة العودة للتدخين.___
حاول تجلي الرغبة ديالك في التدخين: حاول تخدع راسك وقول أنك غتدخن سيجارة وحدة غدا، طبعا هادشي مغيوقعش و مغديروش، هاد الشعور بالرغبة في التدخين غدي يزول دغيا.
اشرب كاس ديال الماء: بشويا، و خلي الماء فمك واحد الفترة قصيرة.
اخرج تمشى أو اجري أولا أي نشاط غيساعدك فالتخلص من هاد الرغبة.
تنفس بعمق: دير شهيق بطيئ وعميق و زفير بطيئ حتى تشعر بالراحة والسعادة.
___شويا ديال النصائح جمعناهم ليكم___
حبس من تناول الكافيين. ملي كتوقف عن التدخين، الجسم ديالك كيعالج الكافيين بشكل مضوبل، و هادشي اللي كيدي إلى الأرق والصعوبة في النوم.
ملي غتحيد التدخين، غتجيك الماكلة فشكل أفضل، وغيكون ساهل عليك تنعس ، و غتمارس الرياضة بلا صعوبات و مشاكل.
ما تستسلمش. إلا ما نجحتيش فالإقلاع عن التدخين ووليتي مدخن من جديد هديك ماشي النهاية، حاول مرة أخرى و ما تيأسش، شوف فين كان الخطأ و عرف السبب اللي دفعك للتدخين مرة أخرى و كون على يقين انك غادي تفوز في نهاية المطاف!
ليست هناك تعليقات:
إرسال تعليق