شوية معلومات سريعة عن مؤسس فيسبوك الشاب مارك زكربرج
- أبوه دكتور أسنان وأمه دكتورة نفسية، وهو عندو 12 سنة قاد واحد البرنامج للتوصل بين أمه الممرضة فعيادة أبوه وبين أبوه بدون ماتدخل عليه كل شوية و كذلك للتواصل بين أفراد عائلتو فنفس البيت وسماه Zucknet.
- جابليه الوالد ديالو مدرس خاص باش يعلمو الكمبيوتر والبرمجة فسن صغيرة بعد مالاحظ موهبتو والمدرس وصفو بالعبقري.
- فأيام المراهقة صاوب برنامج للموسيقى سماه Synapse وشركات كبيرة فداك الوقت بحال مايكروسوفت طلبت شراء البرنامج أو تقدم ليه وظيفه وهو رفض العرضين.
- التحق بجامعة هارفارد ودار أول تطبيق ليه وكان اسمو CourseMatch لمساعدة الطلاب على اختيار صفوفهم الدراسية وبعدها دار موقع Facemash وحط فيه صور الطلبة فالجامعة واتاح التصويت على الصور بناءا على جاذبية صاحب/ة الصورة.
- عرض عليه بعض الزملاء فالجامعة فكرة موقع للتواصل داخل الجامعة اللي فالنهاية تحول لفكرة فيسبوك وفسنة 2004 قرر انه يخلي الجامعة ويكرس وقتو للشبكة الإجتماعية اللي تجاوزت المليون مستخدم
- في 2005 وفداك الوقت كان الفيسبوك محصور على طلاب الجامعات حينها تلقى استثمار من شركة Accel Partners بقيمة 12 مليون دولار وتم التوسع وضم مدارس الثانوية ووصل المستخدمين فديك السنة ل 5.5 مليون مستخدم ورفض حينها كل العروض من شركات كبيرة بحال ياهوو مثلا.
- في 2006 واجهو ادعاء فالمحكمة لأنه تم اتهامو بسرقة فكرة فيسبوك وتبين للمحكمة إنه ممكن فعلا يكون سرقها عمدا وتم التراضي ودفع مبلغ 65 مليون دولار مبدأيا لأطراف القضية اللي مازال في المحاكم.
- تزوج من الصديقة ديالو بعد علاقة استمرت 9 سنين واستمر فتطوير شبكة فيسبوك.
حاليا فيسبوك تجاوز عدد مستخدميها ال1.8 مليار مستخدم نشيط على مستوى العالم وأكتر من 1.2 مليار مستخدم يوميا لتطبيقاتها المختلفة وبلغت ثروة مارك نفسه 49.3 وشركة تجاوزت قيمتها ال328 مليار دولار أمريكي.
انتهى مقال اليوم و اللي هضرنا ليكم فيه على مؤسس فيسبوك الشاب مارك زكربرج وجبنا ليكم شي معلومات سريعة على هاد الشاب الطموح اللي كنتمناو اكون عندنا شباب بحالو ويحققو المعجزات ..
وكالعالدة اللي عندو مايضيف فمرحبا بانقاشات ديالكوم اصدقائي .. تحية عالية
ليست هناك تعليقات:
إرسال تعليق