[#1] : كيف أقوي شخصيتي وأثق بنفسي

هاد المقال غنهدرو فيه على كيفاش نتيق فنفسي او نقوي الشخصية ديالي اللي بزاف دالناس اللي ماتيقاش فراسها علاش بحال شي مواقف باش كتشوف شي بنت عجباتك فالليسي او كتبغي تمشي لعندها تعرف عليها كتولي متايقش فراسك كتولي معارف ماتقول او كتخسر الخطة او كاين مثال أخر. بعد المرات كتبغي تدوي مع أستاذ على شي حاجة مهمة كتولي مزاعمش او خايف لا يقمعك. هنا مكاندويوش على هداك اللي مضاصر مع الأستاذ ههه. مهم نخلي ليكم المقال باش تكسبوا ثقة بالنفس ديالكم.

الشخصية هي مجموعة من بزاف ديال الصفات اللي مختلفة كالطباع أو السلوكات اللي تميز الشخص من أخر. ونظرا لذلك كثرات الشخصيات من جنبنا، او شي وحدين من هاد الشخصيات هي الشخصية القوية اللي واتقة فنفسها هادو اللي غادي إبنِي منك إنسان واتق فراسوا او ناجح فحياتوا فالشخصية القوية ثقة كتجزء من قوة الشخصية هنايا غادي نعطيكم المميزات اللي تخلي منك شخص واثق فنفسوا.

مميّزات الشخصيّة القويّة

أولا ثقة الشخص بذاته كيملك قدرات و مواهب اللي كتمكنو او كاتساعدو باش إحقق أي حاجة بغاها بلا مَيْتلفت بلا والو .. دبا هنا خاسك تحاول تكسب مواهب مثلا تكون كضحك الشخص ماشي دير ضحكة ههه. يعني خاص إكون عندك حسْ الفكاهة باش تقدر توصل الفكرة بحس فكاهي، أما القدرات خاصك ضروري تكون كتفهم الشخص او كايفهمك دبا مزيان راك حاولتي تكسب الميزة الأولى. إذا غادي نحاولو نكسبو الميزة الثانية.

ثانيا خاص تكون عندك المقدرة على التكيف فالواقع ماشي التكيف اللي على بال شي وحدين ههه .. يعني خاصك تندامج مع المحيط و تطور ذاتك بقدر ما كيملك من المعطيات و الإمكانيات باش تقلب على طرق أخرى باش تطور خارج نطاق ممكن. 

أما الميزة الثالثة فهي تكون عندك القدرة على الهدوء وضبط النفس ديالك و تحكم فالغضب ديالك و اٌنفعالات مهما كان المقدار الضغط والإستفزاز المعرض له. خاصني نواجه أي حاجة جات قدامي  باش نعرف نحل المشكل ديالها بلا تعصب او بلا ضغوطاط كايبان هادشي واضح ندزو الميزة الأخيرة اللي هي التمسك بالقيم والأخلاق نعم.

التمسك بالقيم والأخلاق والمبادئ الحميدة او متخلاش عليها قدام مغريات الحياة المادية أو الضغوطات. باش هنا كا تقوي الشخصية ديالك قدام أي حاجة كاتجي قدامك او من بعد كايجي احترام الذات أولا ثم احترام الأخرين لشخصياتهم وأراء الأفكار والمعتقدات مهما كانت. هنايا سالينا من المميزات الشخصية القوية دبا غادي نشوفوا جزء أخر اللي هو ..

أساليب تقوية الشخصية والثقة فالنفس

الأساليب  لي تقوي الشخصية والثقة بالنفس خاصك تآمن بنفسك وبقدراتك وكون متميزٌ لذاتك على الناس أخرين، وبأنّك نتا تستاطع إدير فرق في هذا العالم.

حاول مع نفسك بإيجابيةٍ وتفاؤل، وماتبقاش تحتقر نفسك قدام ناس أخرين أولى بينك وبين نفسك أولى تبقى تقلل من راسك او القدرات دياولك على الإنجاز والنَّجاح.

توكّل على الله سبحانه وتعالى او طلب منوا إعاونك باش تكون قادر على الإنجاز والمواجهة.

او اُعتمد على نفسك ما تعتامدش على بنادم ليوم غدا مايعاودش إعقل عليك او دير ڭاع الأمور اللي تخصك داخل فداركوم او خارجه؛ او ماتخليش شي واحد يمشي إدير شي حاجة فبلاستك بحُجة حيت هو أكثر خبرةً ودرايةً بالأمر أه حيت نزق طايق فنفسو خاصك الإلتزام بمسؤولية تجاه نفسك وتجاه من تعول ماشي اللي جا إدرني موراه.

ماتخافْش من الفشل والإخفاق والإحراج قدام الآخرين؛ كولشي مُعرّضٌ البحال ديك الأمور ولكن فيها على أنّها دروسٌ ومحطاتٌ تعليميّةٌ.

حاول تنخارط فالأعمال التَّطوعيّة و حاول تمارسة العمل الجماعيّ والرياضة و حاول تكون ديما فالتجمعات و حاول  تهدر مع الناس  وتبادل معاهم  الرأي والأفكار.

 او بعد عْلى الأصدقاء المنتقدين نقدًا سلبيًّا، او ختار الأصدقاء اللي يقوي شخصيتك او ثيقة بنفسك ڭدام لوخرين

او خاصك تنضم الدورات التنمية البشريّة االلي كتُعني دورات لتطوير الشخصيّة او تُعزز من ثِّقة بالنَّفس.

 ما تقارنش نفسك بغيرك، كنْ ذاتك ونفسك دائماً.