5 طرق لكي تصبح أمير في الانجليزية

حتى شي واحد مايقدر ينكر أن الانجليزية الأن هي لغة العصر و هي اللغة ديال العلم واللغة ديال الأنترنت. 

الناس اللي كيتقنوا هاد اللغة كيفتحوا لراسهوم بزاف ديال الأبواب باش يطوروا حياتهم الشخصية و المهنية اليوم فهاد المقال الجديد على موقع كيفاش ويكي غادي نوريكم 5 طرق لكي تصبح أمير في الانجليزية 

أوكي نبداو على بركة الله : 

أولا : الممارسة 

أكتر طريقة فعالة باش تتعلم أي لغة هي أنك تتكلم بيها، ماشي مهم أنك تكون متمكن منها أو لا حتى لو كنتي كتعرف فقط 10 ديال الكلمات؛ إستخدامك للغة مع شخص تاني هي أسرع وأنجح طريقة باش تطور من قدراتك.

ثانيا : فكر بالانجليزية

هادي من أهم مفاتيح أتقان اللغة وهي أنك تفكر فالكلام بالانجليزية، وبدا تفكر بكلمات فالأول و من بعد جمل وبعد واحد الفترة غتلقى راسك كتفكر فمحادثات كاملة بالانجليزية.

ثالتا : ماترجمش الكلام للعربية

بعض المرات كتبغي تقول شي حاجة ولكن كتنسى معناها بالانجليزية وكتبغي تقولها بطريقة معينة ومعارفش، وهادشي حيت أنت كترجم الكلام للغتك الأم!
لو نسيتي الكلمة قلَّب على طريقة تانية تقول بيها داكشي اللي بغيتي تقول !

مثال: كانت واحد الطالبة واحد المرة فمحادثة كنتكلموا عن الطبخ ونسات كلمة "onion" فقالت "the white vegetable that when you cut it you cry"
كان وصف زوين وقدرات توصل داكشي اللي بغات تقول!

رابعا: ركز على الidioms

هاد الidioms نقدروا نقولوا عليها كلام مجازي؛ جملة ترجمتها الحرفية مخالف لمعناها المقصود .. أنك تتعلم هاد المصطلحات الدارجة  غيساعدك بزاف باش تفهم وتتواصل بشكل بسيط وساهل مع اللي قدامك.

خامسا: طور مهارة الاستماع باش تظبط النطق تاعك

ممكن تكون متقن للغة وعارف قواعدها وكلماتها لكن الناس ماتفهمش اللي أنت بغيتي تقولو لإنك كتنطق غلط؛ و لذلك لازم تتفرج على أفلام و تسمع أغاني وتركز فالنطق ديالهم للكلمة وتحسن النطق تاعك.

وصلنا لنهاية المقال ديالنا لهاد اليوم و اللي تكلَّمنا فيه عن أهم الطرق اللي هاصك تبعها باش تولِّي أمير في اللغة الأنجليزية. 

كالعادة ماتبخلوش علينا بالتعليقات المحفزة ديالكوم ومتنساوش تشاركوا الموضوع مع أصحابكوم و شكرا و تحية عالية لكم ✌❤