ملاحظات بخصوص الحياة فالجامعة في المغرب

السلام علكيم شباب.

جمعت ليكم شوية الملاحظات بخصوص الحياة فالجامعة ممكن نتناقشوها مع بعض.

1- الجامعة ماشي هي كلشي، وهادي حقيقة لازم تكون عارفها. تقدر تعمل تجربة بسيطة اليوم باش تعرف المستوى ديال هاد الموضوع. حدد خمسة من ديال الشخصيات اتخرجوا من الجامعة، سولهم  أشنو هي أكبر حاجه فادتهم فالفترة ديال الجامعة. غتعرف أن المحاضرات والدروس بوحدها لا تمثل علم حقيقي، بل مجرد معرفة فقط. واتعلم من الأخطاء دياله وحاول تطبقها أنت من الأول باش تكون فمستوى أحسن فالمستقبل ومتندمش إن شاء الله.

2- بعض الطلبة المحترمين جداً كيراجعوا مناهج الجامعة ومكتافين بيه وهادا شىء محترم جدا جدا، ومزيان.. لكن لو شي حد كيقرا فالتاريخ غيعرف أن الجامعة اتأسست باش تعلم الشباب أساسيات البحث، والتعلم، فكتعلَّمهم كيفاش يتعلموا ويكونوا عندهم مشرفين يوجهوهم للمراجع، والمصادر والمعلومات، ويراجعوا معاهم، ويساعدوهم فالفهم وطبعاً هادشي حالياً غير متوفر فالجامعات، ومنه خاصك  تكون أنت المعلم والمشرف ديال راسك، فحاول تبدأ تتعلم بنفسك، وتتعلم كيفاش تبحث، وتقلَّب، وتاخد دورات تكوينية، وتحضر ندوات حتى لو كنتي كنشوفها تافهة غتضيف ليك معلومة جديدة. و غتلاقى مع شباب كتار محترمين مهتمين بموضوع التعليم الألكترونى ومواقعه.

3- الجامعة فترة تحصيل مهارات وعلم، والفرق بين العلم والمعرفة هو أن العلم هو "معرفه + تيقن منها بعد البحث + تجربتها" فلو  مدزتيش بهاد المراحل كلها فغتبقى معرفه فقط، ممكن تكون معرفة مغلوطة وتكون سبيل تضليل لا هداية..

4- تطوع، وشارك فانشطة تطوعية مفيدة فوق ما تتخيل، سواء برا الجامعة أو بداخلها غتكتسب منها المهارات، وتتقن منها بعض الحويجات المهمة جداً غتساعدك على تنمية شخصيتك جداً، ومستحيل تلقى حالياً أي منحة برا المغرب، أو حتى تدريب أو سطاج فشركات عالمية و مطالبينش جزء العمل التطوعى، والخدمة المجتمعية.. 

واستغل العطلة وتدرب فشركات.

5- مكاينش Pــروف خايب وPــروف مزيان، كاين واحد كيعرف يوصل المعلومة وواحد مكيعرفش ...
كنتكلموا من ناحية المادة العلمية ماشي الأخلاق ديال الدكتور، لأنه طبعأً كاينين ناس أخلاقهوم زوينة وناس أخلاقها خايبة.

ولكن كل دكتور أو Pــروف وليه مفتاح و كود ديالو، البعض كيبغي أنك تكون نشيط معاه فالمحاضرة وتسولو، و تاني محتاج اللي يمشي عندو للمكتب ويسولو، و تالت مكيحبش الكلية وكبيحبش النظري لكن هو خدّام فسوق العمل ممكن تسولو فتطبيقات المنهج فأرض الواقع، ودكتور مغرم بالمعامل والتطبيق ممكن تستغلو فالتجارب وأنه ممكن يساعدك فانك تتعلم وتجرب فالدار.. و وو و و و كذلك. افهم طابع الدكتور أو المشرف وغادي تربح ..

هادي شوية ملاحظات بغيت نشاركم بيها، من وجة نظرى وواقع خبرتي القصيرة فالحياة،
لو شي حد عندو سؤال يتفضل فالتعليقات..
شكراً..