دروس مِهَنية في مجال البيع و الشراء من فيلم The Wolf Of Wall Street

الأفلام ماشي الهدف الوحيد منها هو التسلية، بالعكس ممكن فخلال عدد الساعات اللي كتفرج فيهم فالفيلم يمكن تستافد دروس كتيرة تأثر فحياتك وتساعدك على النجاح. 

اليوم غنتكلموا معاكم عن 3 دروس مِهَنية فمجال البيع و الشراء غادي تعلمهم من بعد ما تشوف فيلم The Wolf Of Wall Street:

الدرس الأول ← بيع لي هاد القلم

هاد السؤال من أساسيات أسئلة الإنترفيو فمجال المبيعات، أما فالفيلم "ليوناردو دي كابريو" كان دائماً كيعلم فريق المبيعات عندو بهاد الأسلوب و ملي كان كيعِيَّن ناس جداد كان مباشرة كيطلب منهم هاد الطلب “Sell Me This Pen” فمرة من المرات قالية واحد عطيني هاداك القلم  وشدو فايده وطلب من جوردان بلفور اللى كيلعب الدور ديالو دى كابريو أنه يكتب سميتو، ملي ملقاش قلم يكتب بيه عرض عليه ديك اللحظة أنه يشرى القلم.

فالمبيعات خاصك تكون عارف مزيان إحتياجات العميل ديالك وملي تعرض عليه المنتوج أو الخدمة ديالك حاول تبين أنه حل للمشكلة اللي عندو. حتى لو كنتي متأكد 100% من جودة وروعة المنتج تاعك وانه فريد  ومكاينش منو جوج لازم تركز مزيان فأنك تعرف مشكلة العميل وتبين ليه أن المنتج ديالك او الخدمة هي الحل.

الدرس التاني ⇐ متحبسش البيع

فالوقت اللي أنت كتحاول تعرف احتياجات العميل ضروري تكون مستمر فالبيع. متوقَّفش التواصل مع العملاء المحتملين وديما عرض الخدمات ديالك عليهم وكسب الثقة ديالهم. ليوناردو دى كابريو فالفيلم مكانش كيحَطّ سماعة التليفون من إيديه إلا وهو محقق شي عملية بيع.

هادشي ديال المبيعات دايماً كيمُر بمراحل صعود وهبوط وماشي دايما كتكون مستقرة لكن المهم دايماً هو أنّك متيأسش ومتستسلمش للأمر الواقع وأنك تحاول دايما تعاود تشوف الإفتتاحية ديالك وتفكر دايماً كيفاش تقدر توصل للعملاء المحتملين وتتواصل معاهم.

الدرس التالت ⇚ حَفِّز الفريق ديالك 

منحتاجوش  نتكلموا هنا على أهمية التحفيز فمجال العمل بصفة عامة، لكن خلينا نتكلموا على التحفيز فالفيلم كيفاش الشكل ديالو ؟

دى كابريو كان دايما فالفيلم كيدير 2 اجتماعات يوميا فالخدمة. 
الأول كان كيوجَّه فيه رسائل تحفيزية للفريق والتاني كان كيعرض فيه الحوافز والمكافآت اللي عطاها لأكتر واحد حقق نسبة مبيعات.

هنا غنكتاشفوا أن بيئة العمل كانت تنافسية بشكل كبير وعامرة بالحماس. ماشي ضروري تكون دي كابريو ديال الشركة ديالك وتحفز الفريق ديالك بنفس الطريقة و لكن ممكن تحط لهم أهداف شهرية يحققوها وتحفزهم بطريقتك الخاصة

خلي دايما الهدف ديالك وإنت كتفرج على أي فيلم أنك ماشي فقط تستمتع ولكن تقلَّب فيه على دروس تتعلمها وتأثر فيك.

وصلنا الى نهاية المقال ديال اليوم كالعادة اللي عندو شي اضافة أو سؤال يتفضل مشكورا فالتعليقات أسفل الموضوع ..
تحية عالية لكم و السلام 💓