كيفاش نطور مهارة الـ writing عندي
2- متستخدمش there is / there are فالجمل ديالك خليك محدد علاش كتتكلم و أذكرو مباشرة
ex. There are many issues that teachers face it at schools
الصحيح أنك تقول مباشرة
ex . Teachers face many issues at school
3- فبعض الكلمات الكتابة عندك كاتولي ضعيفة حاول تتجنبها بحال a lot/ so / very / rarely
الحل أنك تعوضهوم بالمقابل ديالهوم فالمعنى
ex. Many students think English Is a very hard Language
الحل هنا أنك تحذف very hard وتستخدم مثلا difficult
ex. Many students think English is a difficult language
4- حاول على قد ما تقدر متبقاش تستخدم المبني للمجهول فكلامك إستخدم دائما المبنى للمعلوم لأن فالكتابة أحنا كنعطيوا معلومات للقارئ ماشي نخبيوا عليه 😄
ex . This homework is written by Kifachwiki
الصحيح أنك تستخدم المبنى للمعلوم هنا مباشرة
ex. Kifachwiki wrote this homework
5- الله يرضي عليك إستخدم جمل قوية فالمعنى خصوصا الفعل والله هادي غادي يبين أنك فاهم مزيان مثلا
ex . He gave a hand for his friend
خليها تولي ..
ex. He helped his friend
6- ضروري جدا جدا تستخدم مصطلحات اللي هي الـ idioms و لكن متكترش منها باش ميبانش أنك حافظ
أستخدم اللي يخدم المعنى ويكون شائع
ex . He is a good egg
يعنى هو شخص محترم أو لطيف ^-^
7- أستخدم الأفعال الاصطلاحية هادي مهمة بزاف اللي هي phrasal verbs
ex. He gave up smoking
يعني اقلع عن التدخين
8 - و هادي نقطة في غاية الأهمية فعلا وهي أنك تستخدم المترادفات والمتضادات غادي تخليك مجهد و غادي تبان واعر فالكتابة وي والله فعلا ^-^ المترادفات هى الـ Synonyms , والمتضادات هى Antonyms
يعنى مكان ما تقول important ممكن نقول critical أو serious أو urgent اللي عجباتك
وبالنسبة للمتضادات ممكن تكتب useless أو unnecessary أو worthless
9- بلاش من الضمائر الشخصية عافاكوم يعنى إنسى I أو WE إلا لو غادي تتكلم على الإنجازات ديال سياتكوم و اللي كنتي شاركتي فيها
10 - حاول دائما الكتابة ديالك تكون مباشرة يعنى بحال ما كيقولوا فالانجليزية to the point وبلا المقدمة ديال الثانوي اللي كل المدرسين كيكتبوها باش الدراري ياخدو نقط عليها لو أنت بغيتي تكتب بشكل فعال و كتابة أكاديمية خليك direct
11- لو ذكرتي مثلا إسم شخص كاتب أو عالم أو رئيس أو أي مكان ضروري من التعريف .. يعني ذكرتي مثلا كيفاش ويكي بين قوسين تكتب موقع مغربي مشهور بمقالاته بالدارجة المغربية .. القارئ مغاديش يتسنى يبحث عن كل شخص أو مكان لا خليك واعر وعرف ليه الناس اللي انت كتكتب عنهم أو كتذكرهم
12- علامات الترقيم .. متسناش غادي نقولها ليك تاني .. علامات الترقيم .. مهمة جدا جدا جدا خاص تعرف تستخدمها إمتى و كيفاش لأن معنى الجملة كيتغير .. شوف معايا
ex. Let's eat grandma !!
معناها انك باغي تاكل جداتك ^^
ex. Let's eat, grandma
معناها يلاه ناكلوا يا جدتي
شفتي الــ comma كيفاش نقذات حياة جداتك ^^
13 - آخر نقطة وهادي مهمة جدا ,, خليك واقعى فالكتابة ديالك بلاش داك الخيال العلمي الوفير ,, يعني باش القارئ ميملش منك لو عندك رأي لازم تقنع القارئ بالادلة وتخليه. أما يقتنع و لا لا هادا ماشي سوقك ,, ركز فالموضوع اللى كتكتب فيه ومتخرجش برا الموضوع إلا لو بغيتي تذكر شي حاجة ليها علاقة بالموضوع اللي كتكتب عليه ^^
ليست هناك تعليقات:
إرسال تعليق