كل ماتحتاج معرفته حول امتحان IELTS في المغرب

الأيلتس(IELTS) هو واحد من أهم وأشهر امتحانات اللغة الإنجليزية فالعالم، شهادة امتحان (IELTS) معترف بيها من أغلب المؤسسات والجامعات العالمية .

إلا كانت عندك فأنت  مؤهل تسافر وتهضر وتخدم بالإنجليزية و بالتالي كتفتحليك بزاف ديال المجالات فالقراية أو السفر أو المنح أولا باش تاخد الفيزا .
هادي واحد  التجميعة شاملة فيها الخطوات الرئيسية من البداية حتى النهاية ..
فيه كل حاجة على الأيلتس في المغرب 2017 وكيفاش  تراجع  ليه فابور غير من النت و تهنا منو بالزربة بالاضافة الى اماكن الاجتياز فالمغرب :

كيف اجتاز امتحان الايلتس في المغرب بنجاح 

الامتحان فيه 4 ديال الأجزاء: الاستماع والقراءة والكتابة والتحدث. إذن شنو غدي ندير باش نوجد للاختبار؟

1- جيب ورقة وستيلو ودخل لهاد القناة، إيما من بريطانيا دايرة  مجموعة من الدروس على الأيلتس : 
https://goo.gl/lNYoSt

2- ملي تكمل القناة اللي فوق دخل لهاد الموقع غتلقى نماذج كاملة ديال دوك 4 الأجزاء اللي غتدوز فيهم، كيمشي معاك خطوة خطوة وكيوضح ليك فكل جزء أهم الاخطاء اللي ممكن توقع فيها:
http://goo.gl/t4bvU 

نصائح من التجربة ديالي فتعلم اللغة الانجليزية 

3- ميمكنش تدخل أي امتحان غير الا كنتي شايف بزاف ديال النماذج  عليه من قبل، هاد الموقع  فيه امتحانات أيلتس سابقة مقسمة و واجدة للتحميل مجانا:
https://goo.gl/hNDJBz .
وهاد الموقع حتا هو مزيان بزاف  كيدير  محاكاه كأنك فالامتحان بالظبط كيصحح ليك الإجابات وكيقول ليك شحال جبتي :
http://goo.gl/JTwrGj

هاد 3 ديال الخطوات إلى تبعتيهم  باتقان شديد ومديتيهاش فدوك قوة الروابط وغير مع المستوى المتوسط فالإنجليزية غتقدر بإذن الله تنجح  بيهم فامتحان الايلتس.
نجيوا للأسئلة المهمة:


1- كيفاش نتقدم  للامتحان وامتا كيدوز ؟

الامتحان كاين فاغلب الدول العربية، المواعيد ديالو كاينة على مدار السنة ولكن غالبا فآخر 4 شهور من السنة، وهدي فرصة مزيانة باش تمشي توجد راسك، هنا المواعيد بالتفصيل:
http://goo.gl/LCH5hF
شوف الموعد اللي غيناسبك ومن بعد  عمر  نموذج التسجيل الإلكتروني من هنا:
eilts morocco

2- واش ضروري نكون ممتاز فالإنجليزية باش ننجح الامتحان؟ 

لا، حتى أنا كنت كانقولها، لكن اتضح إن هاد المعلومة خاطئة، خاصك تكون فقط جيد ومراجع مزيان لأهم أجزاء الأمتحان، مشي ضروري  تكون  مولود فمريكان وكتكلم بحال الأمريكيين باش تنجح فيه، حيت  أصلا هو معمول لغير الدول الناطقة بالإنجليزية.
2 مليون شخص كيتقدمو ليه سنويا منهم مئات الآلاف من الناجحين، الامتحان ماشي إعجازي أو مستحيل.

3- واش هاد  الخطوات كافيين؟ 

أوكي، متضيعش وقتك فاللينكات الخاويين ومتشتتش راسك. فظرف شهرين غتكون أتقنتي كل الخطوات  وغتكون مستعد وفاتم الاستعداد للاختبار.

انتهى المقال كانتمنا تكونو ستافتو شويا ... كالعادة اللي عندو شي إضافة أو تعقيب أو سوال فمرحبا بيه  ... كيسرنا نتناقشو معاه ونفيدو ونستافدو من بعضياتنا  ....