[#5] : أفضل و أجمل 3 أفلام الباركور - Parkour يمكن مشاهدتها

اليوم جبنا العشاق الباركور شنو هو الباركور او منين جات أو شكون خرجو أو غادي نعطيكم 3 ديال أفلام د الباركور. بسم الله

باركور بالإنجليزية: Parkour هي واحد المجموعة ديال الحركات كايكون الغرض منها هو الإنتقال من واحد النقطة A للنقطة B بأكبر قدرة ممكنة و بسرعة وبسلاسة، وفهادشي كاتستخدم القدرات البدنية، و كنلقاو الباركور أساسا كطريقة جْديدة ومْختلفة باش تخطى العقبات و الموانع.
 وهاد الموانع يِمْكن تكون أي حاجة اللي كاتحيط بك من فروع ديال الأشجار أوصخور كبار أو قضبان ديال الحديد أو حتى الجدران بمعني أخر الصُّورْ. اللي كايمارسو الباركور بـإسم ترايسوورز.

نبذة على الباركور :

ديفيد بيل هو اللي ابتكر هاد الرياضة جات من تدريب عسكري تقليدي فالجيش الفرنسي  اقترح هيوبرت كونديه اللي هو صديق لـ(ديفيد بيل) إبدل الحرف c بالحرف K فاللفظ Parcours  و إحيد الحرف s الغير المنطوق باش تولي الكلمة Parkour ,  الباركور من الانشطة البدنية اللي صعيب تصنفها، حيت هي مكاتوضعش فالخانة ديال الرياضات المتطرفة ولكن يمكن الإشارة ليه على أنه فن بحال الفنون القتالية. بحسب ديفيد بيل اللي وضع أسس هاذ الفن، فالروح ديال الباركور هي قيادة فكرة "الهروب" حيث كاتولد فهاد الحالة الحاجة الى سرعة البديهة والمهارة باش تخرج من المواقف الحرجة. إحدى سمات الباركور الرئيسية هي الكفاءة و الفعالية، والمقصود بها هنا هو أن الترايسوور ماكيتحركش بسرعة و صافي، هو كايتحرك بواحد الشكل اللي كيستهلك أقل قدرة من طاقة ديالو، و كيوصل الهدف ديالو بشكل مباشر. وكتقاس أيضا الكفاءة الترايسوور بالقدرة باش إتفادا الإصابات سواء الطفيفة أو البالغة.

هنايا عرفنا شنو هو الباركور منين جا او شكون بتاكرو دبا غادي نعطيكم أفضل و أجمل 3 أفلام الباركور - Parkour  يمكن مشاهدتها أفلام زوينة و كولها غير حركات:

 الفلم الأول هو :

1_District B13

كاضور الأحداث القصة فحي يهودي سميتو " غيتو" فباريس في عام 2010، كان بوليسي ومجرم سابق كايتعاونو بعضياتهوم، كايحاولو إختراقو عصابة باش إحيدو ليهوم الفتيل ديال قنبلة النيوترون زيادة على الحركات البهلوانية.متل فيه David Belle اللي خرج الباركور او Damien Walters الصديق ديالو نخليكوم مع الفيلم التاني.

2_Street Run

Street Run هو فيلم كايمشي بخطوات سريعة، هو فيلم فيه الاثارة او المتعة فالفرجة، او الأحداث ديالو كايدور على فتى الشوارع الذكي، فالعمر ديالو 17 عام سميتو دانيال كايمارس الباركور وعلى حد سواء بطل وسارق.إمكن تشريو السيدي ديالو أو تبحتو عليه فالإنترنت حيت هو فيلم زوين بزاف.أما ثالث فلم :

3_Tracers

(كام لوتنر) كاتهرس دراجة فحادث مع مرأة غريبة او زوينة سميتها نيكي، او من بعد تعرف على الفريق ديالها تا هو كايستخدم رياضة الباركور في العمليات السطو، نضم الفرقة غير باش إخفف ديون الكثيرة لدى عصابة خطيرة، او كترت زيادة فالمخاطر ولا هو المطلوب بزاف، او خاص إلقى ڭاع الإمكانيات ومهارات باش إبقى على قيد الحياة.

هادو هما أحسن 3 ديال أفلام خاص بالباركور إلى عندكوم شي فلم أخر حطوه فتعليق نعرفوه مجموعين او اللي مالقاش الأفلام على الإنترنت إحط  تعليق نباسي ليه او السلام عليكم.